កាលពីសប្តាហ៍មុន លោក ខេវីន ចនសាន់ (Kevin Johnson) ដែលជានាយកប្រតិបត្តិរបស់ Starbucks បានចែករំលែកសំបុត្រមួយដែលលោកបានផ្ញើជូនដល់បុគ្គលិកទាំងអស់របស់ក្រុមហ៊ុនដើម្បីផ្តល់ពីព័ត៌មានលម្អិតទាក់ទិននឹងយុទ្ធសាស្ត្ររបស់ក្រុមហ៊ុនសម្រាប់រយៈពេលប៉ុន្មានខែខាងមុខដើម្បីឆ្លើយតបនឹងកូវីដ-១៩ ។…
កាលពីសប្តាហ៍មុន លោក ខេវីន ចនសាន់ (Kevin Johnson) ដែលជានាយកប្រតិបត្តិរបស់ Starbucks បានចែករំលែកសំបុត្រមួយដែលលោកបានផ្ញើជូនដល់បុគ្គលិកទាំងអស់របស់ក្រុមហ៊ុនដើម្បីផ្តល់ពីព័ត៌មានលម្អិតទាក់ទិននឹងយុទ្ធសាស្ត្ររបស់ក្រុមហ៊ុនសម្រាប់រយៈពេលប៉ុន្មានខែខាងមុខដើម្បីឆ្លើយតបនឹងកូវីដ-១៩ ។
លោកបានសរសេរថា «ពាក្យពេចន៍មិនអាចឆ្លុះបញ្ចាំងពីមោទនភាព និងអំណរគុណរបស់ខ្ញុំសម្រាប់អ្នកទេ ដែលជាដៃគូសហការរបស់ Starbucks ខណៈដែលអ្នកបង្ហាញការគាំទ្រទៅអតិថិជន និងសហគមន៍រាប់ពាន់ដែលពួកយើងបម្រើ ។ ក្នុងកំឡុងពេលដ៏ពិបាកនេះ អ្នកបានបង្ហាញខ្លួន និងបន្តអនុវត្តតាមបេសកកម្ម និងតម្លៃដែលពួកយើងគោរព ហើយខ្ញុំនិងដឹងគុណនេះជារៀងរហូត» ។
ក្នុងការឆ្លើយតបដំបូងទៅនឹងកូវីដ-១៩ លោក ចនសាន់ បានអនុវត្តផែនការដំណាក់កាលទីមួយដែលផ្តោតសំខាន់ខ្លាំងលើការចៀសវាង និងទប់ស្កាត់ ។ ក្នុងដំណាក់កាលនេះ លោកបានសម្រេចចិត្តបិទហាងមួយចំនួន និងកាត់បន្ថយសេវាកម្មផ្សេងៗ ។
បច្ចុប្បន្ននេះ លោកបានប្រកាសពីផែនការសម្រាប់ដំណាក់កាលទីពីរដែលផ្តោតលើការតាមដាន និងសម្របខ្លួន ។ Starbucks នឹងចាប់ផ្តើមបើកដំណើរការហាងធម្មតាវិញបន្តិចម្តងៗ តែវានឹងកើតមានឡើងខុសៗគ្នាទៅតាមផ្នែកផ្សេងៗក្នុងសហរដ្ឋអាមេរិក និងក្នុងប្រទេសដទៃជុំវិញពិភពលោក ។ ក្រុមហ៊ុនបានសម្រេចផ្តល់អំណាចក្នុងការសម្រេចចិត្តលម្អិតទៅលើអ្នកដឹកនាំក្នុងតំបន់ ព្រោះឥទ្ធិពលរបស់កូវីដ-១៩ មានលក្ខណៈខុសៗគ្នាទៅតាមសហគមន៍នីមួយៗ ។
ផ្ទុយពីក្រុមហ៊ុនដទៃភាគច្រើន Starbucks កំពុងតែបង្ហាញថាពួកគេសុខចិត្តផ្តល់អំណាចដល់បុគ្គលិករបស់ខ្លួនក្នុងការសម្រេចចិត្តធំៗ ប៉ុន្តែពួកគេមិនធ្វើដូច្នេះដោយមិនផ្តល់ការណែនាំច្បាស់លាស់ទេ ។ ការិយាល័យធំរបស់ក្រុមហ៊ុនបានចេញជាគោលការណ៍នណែនាំ ទិន្នន័យច្បាស់លាស់ និងការសន្ទនាជាមួយនឹងអ្នកដឹកនាំទាំងនោះដើម្បីជួយដល់ការសម្រេចចិត្តផងដែរ ។
មេរៀនសំខាន់ដែលអាជីវកម្មអាចរៀនបាន គឺចៀសវាងការគ្រប់គ្រងមនុស្សដែលធ្វើការឲ្យអ្នកខ្លាំងពេក ។ គោលដៅសំខាន់ គឺការជួយឲ្យពួកគេធ្វើការសម្រេចចិត្តឲ្យបានល្អ ដូច្នេះអ្នកត្រូវផ្តល់នូវមធ្យោបាយ និងការនណែនាំច្បាស់លាស់ដើម្បីជួយដល់ពួកគេ ៕
ចែករំលែកព័តមាននេះ