មេរោគកូវីដ១៩ បានឆ្លងរាលដាលដល់១៣ រាជធានីខេត្ត ក្នុងចំណោម ២៥រាជធានី ខេត្តទូទាំងប្រទេសកម្ពុជា ចាប់តាំងពីចុងខែមករា នៅពេលមានករណីដំបូងបានកើតមាន ។
បន្ទាប់ពីកិច្ចប្រឹងប្រែងដោយរដ្ឋាភិបាល និងក្រសួងសុខាភិបាលព្រមទាំងភាគីពាក់ព័ន្ធផ្សេងទៀត ខេត្តមួយចំនួនក៏លែងមានអ្នកជំងឺកូវីដ១៩ តទៅទៀត ។ នេះបើតាម របាយការណ៍របស់ក្រសួងសុខាភិបាល នៅថ្ងៃទី២១ ខែមេសា ។
ដោយពិនិត្យមើលរបាយការណ៍របស់ក្រសួងសុខាភិបាល ខេត្តដែលបានព្យាបាលអស់អ្នកជំងឺកូវីដ១៩ រួមមានខេត្ត ១ -ខេត្តបាត់ដំបង ដែលធ្លាប់មានចំនួន៨ករណី ២ – ខេត្តព្រះវិហារ ដែលធ្លាប់មាន២ករណី ៣- ខេត្តកំពតដែលធ្លាប់ មាន២ករណី ៤ – ខេត្តត្បូងឃ្មុំ ដែលធ្លាប់មាន៤ករណី ៥ – ខេត្តកំពង់ចាម ដែលធ្លាប់មាន១៦ករណី ៦ -ខេត្តកោះកុង ដែលធ្លាប់មាន២ករណី និង៧ខេត្តកណ្តាល ដែលធ្លាប់មាន២ករណី។
រាជធានីភ្នំពេញ និងខេត្តចំនួន៥ទៀត មិនទាន់ព្យាបាលអ្នកជំងឺកូវីដ១៩អស់នៅឡើយទេ ។ ក្នុងនោះ ១រាជធានីភ្នំពេញនៅសល់៧ករណី ២ខេត្តព្រះសីហនុសល់១ករណី ៣ខេត្តសៀមរាបសល់១ករណី ៤ខេត្តបន្ទាយមានជ័យសល់១ករណី ៥ខេត្តកំពង់ឆ្នាំង សល់១ករណីនិងខេត្តកែបសល់១ករណី ។
កូវីដ១៩មាននៅកម្ពុជាចំនួន១២២ករណី ចាប់តាំងពីចុងខែមករាមក ។ ប៉ុន្តែបន្ទាប់ពីបានទទួលការព្យាបាលពីគ្រូពេទ្យ អ្នកជំងឺចំនួន១១០នាក់ បានជាសះស្បើយ ចំណែកនៅសល់១២ករណីទៀតកំពុងទទួលការព្យាបាល ៕
ចែករំលែកព័តមាននេះ