រាជធានីភ្នំពេញ ៖ មន្ត្រីជាន់ខ្ពស់ក្រសួងរ៉ែ និងថាមពលបានអះអាងថា បច្ចុប្បន្ននេះកម្ពុជាមានលទ្ធផលក្នុងការផលិតស៊ីម៉ង់ត៍ដោយខ្លួនឯងស្ទើរទាំងស្រុង ដោយមិនចាំបាច់នាំចូលពីក្រៅប្រទេសដូចមុន ក្នុងការផ្គត់ផ្គងក្នុងប្រទេស ។
លោក យស មុនីរ៉ាត់ អគ្គនាយកនៃអគ្គនាយកដ្ឋានក្រសួងរ៉ែ និងថាមពលបានបញ្ជាក់ក្នុងសន្និសីទសារព័ត៌មាន ព្រឹកថ្ងៃទី២១ ខែមេសា បច្ចុប្បន្ននេះកម្ពុជាមានលទ្ធភាពក្នុងការផលិត ស៊ីម៉ង់ដោយខ្លួនឯងសម្រាប់ផ្គត់ផ្គង់ប្រើប្រាស់ក្នុងស្រុកបានដោយមិនចាំយកពីប្រទេសក្រៅដូចមុនទៀតទេ ។ ពោល គឺមិនចាំយកថវិកាទៅចំណាយនៅលើស៊ីម៉ង់ត៍នោះទេ ។
លោកបានបន្តថា លទ្ធផលដែលក្រសួងរ៉ែ និងថាមពលសម្រេចបាននៅក្នុងឆ្នាំ២០១៩ មានដូចជា បានអនុញ្ញាតឲ្យអាជីវករធ្វើអាជីវកម្មរ៉ែសំណង់ ដែលអាចបំពេញបាននូវតម្រូវការប្រើប្រាស់នូវក្នុងប្រទេសកម្ពុជា ដោយរ៉ែទាំងនោះមានគ្រោះ ខ្សាច់ និងថ្ម ដែលជាវត្ថុធាតុដើម សម្រាប់ផ្គត់ផ្គង់ក្នុងការអភិវឌ្ឍហេដ្ឋរចនាសម្ព័ន្ធ ។
លោកបានបន្តថា លទ្ធផលដែលក្រសួងសម្រេចបាន គឺអនុញ្ញាត និងដាក់ដំណើរការនូវរោងចក្រផលិតផលស៊ីម៉ង់ត៍ដែលមានសមត្ថភាពផលិតបានចំនួនប្រមាណ៨លានតោន ក្នុងមួយឆ្នាំ ។ អីញ្ចឹងសមត្ថកិច្ចផលិតស៊ីម៉ង់ត៍ចំនួន៥ នៅកម្ពុជាអាចផ្គត់ផ្គងសឹងតែ១០០ភាគរយនូវតម្រូវការទាំងអស់ នៃតម្រូវការនៅក្នុងប្រទេស ដែលផលិតផលស៊ីម៉ងត៍នេះ បើយើងនិយាយពីមុនឆ្នាំ២០០៦ ឬ២០០៧ គឺកម្ពុជាបានពឹងផ្អែកនាំចូលពីបរទេសទាំងស្រុង ។ លោកបញ្ជាក់ថា ៖«អាឡូវនេះ យើងមានរោងចក្រផលិតស៊ីម៉ង់ត៍បំរើសេចក្តីត្រូវការគ្រប់គ្រាន់ក្នុងប្រទេស» ។
ជាមួយគ្នានោះដែរ លោកក៏បានលើកឡើងថាក្រសួងរ៉ែ និងថាមពលបានធ្វើការងារសំខាន់ៗដូចជា យើងប្រែក្លាយធនធានរ៉ែក្នុងការអភិវឌ្ឍជាតិ ៕
ចែករំលែកព័តមាននេះ