រាជធានីភ្នំពេញ៖ ចាត់ទុកជាដំណឹងដ៏ល្អមួយសម្រាប់កម្ពុជាបន្ទាប់ពីថ្នាក់ដឹកនាំមួយរូបរបស់ក្រសួងរ៉ែ និងថាមពល បានថ្លែងនៅព្រឹកថ្ងៃទី ២១ មេសានេះថា កម្ពុជាកំពុងរៀបចំធ្វើអាជីវកម្មផលិតមាសខ្នាតអន្តរជាតិមួយនៅក្នុងទឹកដីខេត្តមណ្ឌលគិរី។ ថ្លែងនៅក្នុងសន្និសីទកាសែត នាព្រឹកថ្ងៃទី២១ ខែមេសា…
រាជធានីភ្នំពេញ៖ ចាត់ទុកជាដំណឹងដ៏ល្អមួយសម្រាប់កម្ពុជាបន្ទាប់ពីថ្នាក់ដឹកនាំមួយរូបរបស់ក្រសួងរ៉ែ និងថាមពល បានថ្លែងនៅព្រឹកថ្ងៃទី ២១ មេសានេះថា កម្ពុជាកំពុងរៀបចំធ្វើអាជីវកម្មផលិតមាសខ្នាតអន្តរជាតិមួយនៅក្នុងទឹកដីខេត្តមណ្ឌលគិរី។
ថ្លែងនៅក្នុងសន្និសីទកាសែត នាព្រឹកថ្ងៃទី២១ ខែមេសា នេះ ឯកឧត្តម យស មុនីរ៉ាត់ អគ្គនាយកនៃអគ្គនាយកដ្ឋានរ៉ែ និងជាអ្នកនាំពាក្យក្រសួងរ៉ែ និងថាមពល បានបញ្ជាក់ថា «អាជីវកម្ម ខ្នាតឧស្សាហកម្ម ខ្នាតអន្តរជាតិ គឺយើងបានរកឃើញជម្រករ៉ែមាសមួយ ដែលមានទីតាំងនៅក្នុងតំបន់ ដែលយើងហៅថានៅតំបន់ អូរខ្វាវ ក្នុងស្រុកកែវសីមា ខេត្តមណ្ឌលគិរី ហើយយើងសង្ឃឹមថា នឹងអាចមានផលិតផលមាសរបស់កម្ពុជា នៅក្នុងពេលឆាប់ៗខាងមុខនេះ ទៅតាមផែនការ» ។
សូមបញ្ជាក់ថាកន្លងមកមានក្រុមហ៊ុនបរទេសជាច្រើនបានសិក្សាស្រាវជ្រាវនៅបណ្តាខេត្តមួយចំនួននៅកម្ពុជាអំពីរ៉ែមាស តែកន្លងមកមិនទាន់មានការធ្វើអាជីវកម្មធំដុំនៅឡើយទេ ខណៈកន្លងមកនៅមានបងប្អូនខ្មែរយើងបានប្រកបមុខរបររករ៉ែមាសជាលក្ខណៈប្រពៃណីជាច្រើនតំបន់ ដូចជានៅខេត្តមណ្ឌលគីរីនិងនៅស្រុករវៀងនៃខេត្តព្រះវិហារជាដើម ៕
ចែករំលែកព័តមាននេះ