ក្នុងកំឡុងពេលដែលប្រទេសកម្ពុជាកំពុងតែប្រឈមមុខនឹងវីរុសកូវីដ ១៩ ប្រជាជនជាច្រើនកំពុងតែត្រូវការប្រាក់ចំណូលចាំបាច់ ។ ជាមួយគ្នានេះដែរ មិនមាននរណាម្នាក់ដែលអាចដឹងថាពេលណាទើបអ្វីៗត្រលប់ទៅដូចដើមវិញឡើយ ។
ក្នុងនាមជាបុគ្គលិកក្នុងស្ថាប័នការងារ ឬអាជីវកម្ម តួនាទីរបស់យើង គឺមានតែរកវិធីថ្មីៗដើម្បីបន្តធ្វើការខណៈដែលការរក្សាគម្លាតរវាងមនុស្ស និងមនុស្សប៉ុណ្ណោះ ។
សម្រាប់អ្នកដែលជួបប្រទះការខាតបង់ព្រោះតែកូវីដ ១៩ ខាងក្រោមជាគំនិតងាយៗដែលអ្នកអាចសាកល្បង ដើម្បីរកលុយបន្ថែមក្នុងជំនាន់កូវីដ ១៩៖
១. ការងារដឹកជញ្ជូន
ព្រោះតែមនុស្សត្រូវបានប្រាប់ឲ្យចៀសវាងទៅកន្លែងដែលមានមនុស្សច្រើនលុះត្រាតែក្នុងករណីចាំបាច់ មនុស្សជាច្រើនក្នុងប្រទេសកម្ពុជាបានងាកទៅរកការទិញទំនិញអនឡាញដែលមានផ្តល់សេវាកម្មដឹកជញ្ជូនដល់ផ្ទះ ។ ជាលទ្ធផល តម្រូវការសម្រាប់អ្នកដឹកជញ្ជូនពិតមជាមានខ្ពស់ណាស់ក្នុងពេលនេះ ។
២. បង្រៀនអនឡាញ
នរណាដែលមានការអប់រំល្អអាចចាប់ផ្តើមការបង្រៀនអនឡាញបានក្នុងពេលដែលស្ថាប័នសិក្សាទូទាំងប្រទេសព្យាយាមផ្តល់ការសិក្សាលើប្រព័ន្ធឌីជីថលដល់សិស្សានុសិស្ស ។ ក្រៅពីការអប់រំទូទៅហើយ អ្នកដែលមានជំនាញច្បាស់លាស់ក្នុងផ្នែកអ្វីមួយក៏អាចចាប់ផ្តើមការបង្រៀនថ្មីៗលើអ៊ីនធើណេតបានដែរ ។
៣. ជួយមនុស្សឲ្យធ្វើលំហាត់ប្រាណ
ព្រោះតែកន្លែងធ្វើលំហាត់ប្រាណជាច្រើនត្រូវបានផ្អាកដំណើរការជាបណ្តោះអាសន្ន បច្ចុប្បន្ននេះជាពេលដ៏ល្អក្នុងការវគ្គធ្វើលំហាត់ប្រាណខ្លីៗលើអ៊ីនធើណេត ។ កម្មវិធីនេះអាចផ្តល់នូវគំនិតថ្មីៗនិងងាយៗសម្រាប់ទស្សនិកជនដែលចាប់អារម្មណ៍ក្នុងការធ្វើលំហាត់ប្រាណនៅផ្ទះជាដើម ។
៤. ចាប់ផ្តើមអាជីវកម្មលក់បន្ត
ការធ្វើពាណិជ្ជកម្មអន្តរជាតិទោះជាត្រូវបានប៉ះពាល់ពិតមែន តែវាមិនអាចឈប់ទាំងស្រុងបានទេ ។ ដូច្នេះក្នុងពេលដែលមនុស្សជាច្រើនត្រូវឃុំខ្លួនក្នុងផ្ទះ និងគ្មានការងារធ្វើ វាអាចជាឱកាសល្អក្នុងការចាប់ផ្តើមអាជីវកម្មលក់បន្តអនឡាញដូចជាលើប្រព័ន្ធសង្គមជាដើម និងផ្តល់ជាសេវាដឹកជញ្ជូនងាយៗដល់អតិថិជនរបស់អ្នក ៕
ចែករំលែកព័តមាននេះ