សិង្ហបុរី ៖ ប្រទេសសិង្ហបុរី បានវ៉ាប្រទេសឥណ្ឌូនេស៊ី យកលេខមួយ ក្នុងតំបន់អាស៊ីអាគ្នេយ៍ខាងផ្នែកមានចំនួនករណីឆ្លងកូវីដ១៩ ច្រើនជាងគេ បន្ទាប់ពីប្រទេសនេះបានរកឃើញជនរងគ្រោះរាប់រយនាក់ទៀត ក្នុងចំណោមកម្មករបរទេស ដែលមានប្រាក់ឈ្នួលទាប។
អាជ្ញាធរបាននិយាយថា ករណី៥៩៦ បន្ថែមទៀត ត្រូវបានបញ្ជាក់នៅត្រឹមថ្ងៃអាទិត្យ ដែលបាននាំឱ្យមានចំនួនសរុបនៃអ្នកមានផ្ទុកកូវីដ១៩ ឡើងដល់ ៦៥៥៨ នាក់នៅក្នុងប្រទេស។ ក្រសួងសុខាភិបាលបាននិយាយនៅក្នុងសេចក្តីថ្លែងការណ៍មួយថា ក្នុងចំណោម ៥៩៦នាក់ មានតែ ២៥នាក់ប៉ុណ្ណោះ ដែលជាជនជាតិសិង្ហបុរី ឬ ជាអ្នករស់នៅអចិន្ត្រៃយ៍។
ចាប់តាំងពីចុងខែមីនា តំបន់អាស៊ីអាគ្នេយ៍ បានមើលឃើញការកើនឡើងនៃការឆ្លងក្នុងស្រុក ដែលរងផលប៉ះពាល់យ៉ាងខ្លាំងដល់ពលករបរទេស ដែលស្នាក់នៅក្នុងអន្តេវាសិកដ្ឋាន ដែលមានភាពចង្អៀតណែន ដែលនេះធ្វើអោយស្មុគស្មាញដល់កិច្ចប្រឹងប្រែង ដើម្បីទប់ស្កាត់ការរីករាលដាលនេះ។ រដ្ឋាភិបាលបានរឹតបន្តឹងច្បាប់នៃការចូលមកក្នុងប្រទេស ការឱ្យពាក់ម៉ាស ជះលុយរាប់ពាន់លានដុល្លារទៅក្នុងសេដ្ឋកិច្ច និងបានធ្វើការបិទប្រទេសមិនទាំងស្រុង ដែលមានរយៈពេលមួយសប្តាហ៍ ដើម្បីទប់ស្កាត់ការផ្ទុះឡើងនៃជំងឺនេះ។
ជាមួយនឹងចំនួនសរុបថ្មី សិង្ហបុរី បានឈានមុខឥណ្ឌូណេស៊ី ដែលឥឡូវមាន ៦២៤៨ករណីហើយហ្វីលីពីនមាន ៦០៨៧ករណី៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ