ព្រះពុទ្ធសាសនាជាសាសនាហេតុផលនិយម មិនមែនយកការបួងសួង ឬសេចក្តីប្រាថ្នាជាធំនោះទេ ព្រោះថាសេចក្តីប្រាថ្នាមិនមែនចេះតែបានសម្រេចដូចបំណងទាំងអស់ទេ បើយើងមិនបានបញ្ចេញសកម្មភាពជាក់ស្តែងនោះ ។
ទ្រឹស្តីព្រះពុទ្ធសាសនាបើចង់បានប្រយោជន៍លុះណាតែបុគ្គលតស៊ូព្យាយាមក្នុងជីវិតទើបទទួលផល ដូចព្រះបរមសាស្តាត្រាស់ថា បើយើងចង់បានអាយុវែង ចង់បានទ្រព្យស្តុកស្តម្ភ ចង់ឲ្យខ្លួនឯងមានសេចក្តីសុខនៅក្នុងក្រុមគ្រួសារ ចង់ឲ្យគេមានភាពស្មោះត្រង់នឹងខ្លួន និងចង់មានបញ្ញាច្រើន គឺត្រូវវៀរចាកកម្មទាំង៥ដោយដាច់ ខាតគឺៈ ១- មិនបៀតបៀនជីវិតអ្នកដទៃគឺមិនសម្លាប់សត្វនាំឲ្យមានធម៌មេត្តា ២- មិនលួចទ្រព្យគេ ៣- មិនប្រ ព្រឹត្តខុសក្នុងកាម ប្រពន្ធកូនអ្នកដទៃ ៤- មិននិយាយកុហក នាំឲ្យមានធម៌សច្ចៈ និង៥- មិនសេពនូវទឹកស្រវឹង និងថ្នាំញៀនទាំងឡាយ ។
កម្មទាំង៥នេះមនុស្សគ្រប់រូបគួរខំរក្សាខំធ្វើឲ្យដូចជាយើងរក្សានូវជីវិតដូច្នោះដែរ ដើម្បីបានជាមាគ៌ាសម្រាប់ជីវិតយើងដែលធ្វើដំណើរទៅកាន់លោកខាងមុខភប់ប្រសព្វតែសុខចម្រើន តែបើមិនខំប្រព្រឹត្តប្រតិបត្តិក៏គ្មានប្រយោជន៍ ។ សាន សារិន
ចែករំលែកព័តមាននេះ