ខេត្តរតនគិរី ៖ ជនសង្ស័យប្រុស-ស្រី៣នាក់បានបង្ហោះលើបណ្តាញសង្គមពីការលក់ថ្នាំញៀនម៉ាទឹកក ឡើងព្រហើន ហើយត្រូវបានកម្លាំងសមត្ថកិច្ចតាមឃាត់ខ្លួនបាន បញ្ជូនទៅសាលាដំបូងខេត្ត ។ ការឃាត់ខ្លួនធ្វើឡើង កាលពីវេលាម៉ោង១២និង២០នាទីថ្ងៃទី១៦ មេសា…
ខេត្តរតនគិរី ៖ ជនសង្ស័យប្រុស-ស្រី៣នាក់បានបង្ហោះលើបណ្តាញសង្គមពីការលក់ថ្នាំញៀនម៉ាទឹកក ឡើងព្រហើន ហើយត្រូវបានកម្លាំងសមត្ថកិច្ចតាមឃាត់ខ្លួនបាន បញ្ជូនទៅសាលាដំបូងខេត្ត ។ ការឃាត់ខ្លួនធ្វើឡើង កាលពីវេលាម៉ោង១២និង២០នាទីថ្ងៃទី១៦ មេសា ដោយមានការសម្រសម្រួលពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តផងដែរ ។
លោក ហួត បូរី អធិការនគរបាលក្រុងបានលុងបានឱ្យដឹងថា ជនសង្ស័យទាំង៣នាក់ ១-ឈ្មោះ ជឿន ប៊ុនថាន (ហៅអូន) ភេទប្រុស អាយុ២៨ឆ្នាំ រស់នៅភូមិអូរកន្ទិល សង្កាត់បឹងកន្សែង ក្រុងបានលុងខេត្តរតនគិរី(ជាអ្នកយកAcoount Facebook អតីតប្រពន្ធបង្ហោះលក់ថ្នាំញៀន)។ ២-ឈ្មោះ ឯម សុចាន់ត្រាបុត្រ
(ហៅបារាំង) ភេទប្រុស អាយុ២២ឆ្នាំ រស់នៅភូមិអភិវឌ្ឈន៍ សង្កាត់ឡាបានសៀក ក្រុងបានលុង ខេត្តរតនគិរី និង៣-ឈ្មោះ សួង សុភ័ក្រ (ហៅភ័ស) ភេទស្រី អាយុ២០ឆ្នាំ រស់នៅភូមិអភិវឌ្ឈន៍ សង្កាត់ឡាបាន
សៀក ក្រុងបានលុង ខេត្តរតនគិរី។
លោកបន្តថា ជនសង្ស័យទាំង៣នាក់ បន្ទាប់ពីធ្វើតេស្តទឹកនោមបានឃើញមានសារធាតុញៀនក្នុងខ្លួនទាំង៣នាក់ ។ ចំពោះវត្ថុតាងវិញមិនមានការដកហូតបានទេ ប៉ុន្តែការបង្ហោះហ្វេសប៊ុកលក់ម៉ាទឹកក និងរូបភាពបង្ហោះប្រើប្រាស់នោះ តុលាការអាចដាក់បន្ទុកបានហើយ ។ បច្ចុប្បន្ន ជនសង្ស័យទាំង៣នាក់ ត្រូវបានសមត្ថកិច្ចធ្វើការឃាត់ខ្លួនបណ្តោះអាសន្ន នៅអធិការនគរបាលក្រុងបានលុង ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្ត ។
ចែករំលែកព័តមាននេះ