ជាប់ខ្នោះមែន! ប្តីគេមិននៅ ទៅបន្លំដេកជាមួយប្រពន្ធគេ
- សៀមរាប
ខេត្តសៀមរាប ៖ បុរសម្នាក់ធ្វើទង្វើដ៏ហួសចិត្តបំផុត និងត្រូវបាននគរបាលស្រុកពួកចុះឃាត់ខ្លួន នៅថ្ងៃទី១៥ មេសា នៅភូមិព្រៃធ្លក ឃុំខ្នាត ស្រុកពួក ខេត្តសៀមរាប…
ខេត្តសៀមរាប ៖ បុរសម្នាក់ធ្វើទង្វើដ៏ហួសចិត្តបំផុត និងត្រូវបាននគរបាលស្រុកពួកចុះឃាត់ខ្លួន នៅថ្ងៃទី១៥ មេសា នៅភូមិព្រៃធ្លក ឃុំខ្នាត ស្រុកពួក ខេត្តសៀមរាប យោងតាមបណ្តឹងពាក់ព័ន្ធក្នុងករណីទៅបន្លំដេកជាមួយប្រពន្ធគេខណៈប្តីគេមិននៅផ្ទះជាប់ទៅផឹកនៅផ្ទះបងប្អូនបាត់ ។
លោកវរសេនីយ៍ឯក ទេព ពុំសែន អធិការនគរបាលស្រុកពួកឱ្យដឹងថា ជនសង្ស័យឈ្មោះ អ៊ុត សានីន អាយុ៣៣ឆ្នាំ ជាកសិករ រស់នៅភូមិព្រៃធ្លក ឃុំខ្នាត ស្រុកពួក ខេត្តសៀមរាប ។ លោកបន្តថា កាលពីព្រឹកថ្ងៃទី១៥ មេសា កម្លាំងនគរបាលប៉ុស្តិ៍រដ្ឋបាលខ្នាតនៃអធិការដ្ឋានស្រុកពួក បានទទួលបណ្តឹងពីស្ត្រីរងគ្រោះអាយុ២៤ឆ្នាំ ប្តឹងចោទប្រកាន់ទៅលើជនសង្ស័យឈ្មោះ អ៊ុត សានីន ថា កាលពីវេលាម៉ោង១២ និង៣០នាទីរំលងអធ្រាត្រចូលថ្ងៃទី១៥ មេសា ជនសង្ស័យបានឡើងទៅចាប់នាងរួមភេទរហូតបានសម្រេច ខណៈដែលនាងស្រវឹងស្រាផង តែនាងនៅផ្ទះជាមួយកូន ។ រីឯប្តីនាងកំពុងផឹកស៊ីនៅផ្ទះបងប្អូន មិនទាន់មក
ដេក ។
លោកបញ្ជាក់ថា ក្រោយទទួលពាក្យបណ្តឹង កម្លាំងបានស្រាវជ្រាវនាំខ្លួនជនសង្ស័យមកសាកសួរ ត្រូវគេសារភាពថា «ពិតជាបានធ្វើសកម្មភាពលបចូលឡើងទៅដេករួមភេទសម្រេចជាមួយជនរងគ្រោះពិតប្រាកដមែន» ។ ដោយសារតែរូបគេមានចិត្តលួចស្រលាញ់នាងនិងមានចំណង់ផ្លូវភេទផងនោះ ហើយ ខណៈដែលប្ដីនាងមិននៅផ្ទះដែរ ។
បច្ចុប្បន្ន កម្លាំងនគរបាលស្រុកពួកបានកសាងសំណុំរឿងបញ្ជូនទៅកាន់ ការិយាល័យនគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋានខេត្តសៀមរាប ដើម្បីបញ្ជូនបន្តទៅតុលាការចាត់ការតាមនីតិវិធីតាមផ្លូវច្បាប់។
ចែករំលែកព័តមាននេះ