ខេត្តព្រះវិហារ ៖ គិតនៅព្រឹកថ្ងៃទី១៦ និង១៧ មេសា នេះ ស្ថិតលើគោលដៅព្រំប្រទល់ចេញ-ចូលរវាងខេត្តព្រះវិហារ បានបើកឱ្យមានការឱ្យធ្វើដំណើរឆ្លងកាត់ជាធម្មតាវិញ ។ ថ្លែងប្រាប់កោះសន្តិភាព…
ខេត្តព្រះវិហារ ៖ គិតនៅព្រឹកថ្ងៃទី១៦ និង១៧ មេសា នេះ ស្ថិតលើគោលដៅព្រំប្រទល់ចេញ-ចូលរវាងខេត្តព្រះវិហារ បានបើកឱ្យមានការឱ្យធ្វើដំណើរឆ្លងកាត់ជាធម្មតាវិញ ។
ថ្លែងប្រាប់កោះសន្តិភាព លោកប្រាក់ សុវណ្ណ អភិបាលខេត្តព្រះវិហារបានបញ្ជាក់ថា នៅតាមគោលដៅចំនួន៤ ក្នុងខេត្តព្រះវិហារ ដែលមានព្រំប្រទល់ជាប់ជាមួយខេត្តសៀមរាប, កំពង់ធំ, ស្ទឹងត្រែង និងឧត្តរមានជ័យ ពេលនេះ បានបើកឱ្យប្រជាពលរដ្ឋ ក៏ដូចជាអ្នកដំណើរផ្សេងៗអាចចេញ-ចូលឆ្លងកាត់ក្នុងខេត្តបាន។
ប៉ុន្តែសង្កេតឃើញថា ដូចពុំសូវមានបងប្អូនជាអ្នកធ្វើដំណើរឆ្លងកាត់នៅឡើយទេ ។ លោកអភិបាលខេត្តបន្តថា ទោះជាបែបនេះក្តី អាជ្ញាធរខេត្តព្រះវិហារ ក៏ដូចជាគណៈកម្មាការប្រយុទ្ធប្រឆាំងជំងឺកូវីដ១៩ ខេត្តព្រះវិហារ បានចាត់ឱ្យក្រុមការងារបន្តតាមដាន និងពិនិត្យមើលសកម្មភាពការឆ្លងកាត់របស់អ្នកដំណើរទាំងអស់ នឹងបន្តចុះអប់រំ ណែនាំដល់ប្រជាពលរដ្ឋ ត្រូវគោរពតាមការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាល ដើម្បីបង្ការទប់ស្កាត់ការឆ្លងរីករាលនៃជំងឺកូវីដ១០នេះ នៅក្នុងសហគមន៍ ។
សូមបញ្ជាក់ថា បញ្ចប់ស្តីពីការដាក់កំហិតលើការធ្វើដំណើរក្នុងប្រទេស ឃើញថាសម្រាប់ខេត្តព្រះវិហារ ប្រជាពលរដ្ឋ ក៏ដូចជាបណ្តាក្រុមហ៊ុនដឹកអ្នកដំណើរ និងចំណតរថយន្តខេត្តព្រះវិហារ ក៏ចាប់ផ្តើមដំណើរការវិញផងដែរ ។
ចែករំលែកព័តមាននេះ