រាជធានីភ្នំពេញ ៖ បុរសជាជនជាតិចិនម្នាក់សង្ស័យបែកថ្នាំបានឡើងទៅលើបង្គោលប៉ាណូផ្សាយពាណិជ្ជកម្មកំពស់ជិត២០ម៉ែត្រអស់រយៈពេលជិត៣ម៉ោង ទើបព្រមចុះមកវិញបង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចកាលពីវេលាម៉ោង១០និង៤០នាទីយប់ថ្ងៃទី១៦ ខែមេសា ឆ្នាំ២០២០ នៅចំណុចទល់មុខព្រលានយន្តហោះអន្តរជាតិភ្នំពេញ ស្ថិតក្នុងតាមបណ្តោយផ្លូវសហព័ន្ធរុស្ស៊ី ភូមិក្បាលដំរី សង្កាត់កាកាបទី១…
រាជធានីភ្នំពេញ ៖ បុរសជាជនជាតិចិនម្នាក់សង្ស័យបែកថ្នាំបានឡើងទៅលើបង្គោលប៉ាណូផ្សាយពាណិជ្ជកម្មកំពស់ជិត២០ម៉ែត្រអស់រយៈពេលជិត៣ម៉ោង ទើបព្រមចុះមកវិញបង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចកាលពីវេលាម៉ោង១០និង៤០នាទីយប់ថ្ងៃទី១៦ ខែមេសា ឆ្នាំ២០២០ នៅចំណុចទល់មុខព្រលានយន្តហោះអន្តរជាតិភ្នំពេញ ស្ថិតក្នុងតាមបណ្តោយផ្លូវសហព័ន្ធរុស្ស៊ី ភូមិក្បាលដំរី សង្កាត់កាកាបទី១ ខណ្ឌពោធិ៍សែនជ័យ ។
បុរសជនជាតិចិនម្នាក់ខាងលើមិនស្គាល់អត្តសញ្ញាណនោះទេបានឡើងទៅលើបង្គោលប៉ាណូផ្សាយពាណិជ្ជកម្មដែលមានកំពស់ជិត២០ម៉ែត្រ ។
តាមប្រភពព័ត៌មានពីប្រជាពលរដ្ឋដែលធ្វើដំណើរតាមបណ្តោយផ្លូវសហព័ន្ធរុស្ស៊ីបានអោយដឹងថា ពួកគាត់ឃើញបុរសជនជាតិចិនម្នាក់បានឡើងទៅលើបង្គោលស្លាកប៉ាណូផ្សាយពាណិជ្ជកម្មដែលមានកំពស់ជិត២០ម៉ែត្រ លុះពេលឃើញបែបនេះ ពួកគាត់ស្មានថាជាជាងដែលឡើងទៅមើល ឬជួសជុលស្លាកប៉ាណូខាងលើនោះ ក្រោយមកទើបដឹង ដោយសង្ស័យថាជាមនុស្សបែកថ្នាំក៏ទាក់ទងទៅសមត្ថកិច្ចអោយជួយអន្តរាគមន៍ភ្លាមៗតែម្តង ។
តាមប្រភពដដែលបានបន្តថា បន្ទាប់ពីសមត្ថកិច្ចនគរបាលបានមកដល់កន្លែងកើតហេតុខាងលើ ក៏បានស្រែកហៅអោយចុះមកក្រោមវិញ តែបុរសជនជាតិចិនមិនព្រមចុះមកទេ ទាល់តែមានស្ត្រីជនជាតិខ្មែរម្នាក់ដែលចេះភាសាចិនបានស្រែកហៅពីខាងក្រោមស្លាកប៉ាណូអោយជនជាតិចិនចុះមក ហើយស្ត្រីរូបនោះបានសួរនាំជាភាសាចិនក៏បុរសជនជាតិចិនខាងលើមិនឆ្លើយតបដែរ គិតតែពីដើរចុះឡើងៗ ។
តាមប្រភពដដែលបានបន្តទៀតថា ដោយសាររង់ចាំយូរពេក ទើបសមត្ថកិច្ចនគរបាលប៉ុស្តិ៍បានទាក់ទងទៅនគរបាលផ្នែកអន្តោប្រវេសន៍មកដល់កន្លែងកើតហេតុហើយនៅតែមិនមានវិធានការទៀត ដោយបានរង់ចាំអស់រយៈពេលជិត៣ម៉ោង ទើបបុរសជនជាតិចិនខាងលើព្រមចុះមក ហើយសមត្ថកិច្ចបានហៅម៉ូតូកង់បីដឹកយកទៅស្ថានទូតចិន តែបុរសជនជាតិចិនខាងលើមិនព្រមទៅទៀត ៕
ចែករំលែកព័តមាននេះ