រាជធានីភ្នំពេញ៖ មន្ត្រីជាន់ខ្ពស់នៃអាកាសចរណ៍ស៊ីវិលបានលើកឡើងថាបើតាមការវិភាគរបស់អង្កការអាកាសចរណ៍ស៊ីវិលអន្តរជាតិបានបង្ហាញថាបើសិនជំងឺកូវីដ១៩នៅតែអូសបន្លាយរដល់ខែកក្កដា ឆ្នាំ ២០២០ នោះបញ្ហាប៉ះពាល់នឹងធ្ងន់ធ្ងរពីអ្នកធ្វើដំណើរតាមផ្លូវអាកាសដែលមានទំហំដល់ទៅជាង ១៥៥ពាន់លាន់ដុល្លារ។
ថ្លែងក្នុងសន្នីសិទ្ធសារព័ត៌មាននាព្រឹកថ្ងៃទី១៦ ខែមេសា នៅទីស្តីការគណៈរដ្ឋមន្ត្រី លោក ស៊ីន ចាន់សិរីរវុត្ថា អគ្គនាយរងបច្ចេកទេសនៃរដ្ឋលេខាធិការទេសចរណ៍កម្ពុជាបានលើកឡើង ថាការផ្ទុះឡើងនៃជំងឺកូវីដ-១៩ បានប៉ះពាល់ដល់ទូទាំងពិភពលោក។ នៅកម្ពុជាវិញ ក្រសួងសុខាភិបាលបានក្លាយជាក្រសួងនាំមុនក្នុងការរៀបចំទប់ស្កាត់ការឆ្លងនិងការរាតត្បាតជំងឺកូវីដ-១៩ នេះ រីឯអាកាសចរណ៍ស៊ីវិលគឺជាស្ថាប័នមួយសម្រាប់សម្រួលជា មួយក្រសួងសុខាភិបាល ដែលស្របនឹងបរិបទអន្តរជាតិដូចគ្នា។
លោកបានបញ្ជាក់យ៉ាងដូច្នេះថា «ផលប៉ះពាល់លើវិស័យអាកាសចរណ៍នេះតាមគេសិក្សាមាន២ចំណុចគឺការឆាប់ឆ្លងយ៉ាងកំហុក ហើយការកើនឡើងក៏កំហុកដែរ (អក្សរV) និងទម្រង់អក្សរ (U) វិញគឺធ្លាក់ចុះលឿន ប៉ុន្តែបន្តអូសបន្លាយរហូតដល់ពេលចប់ទើបកើនឡើងវិញ។ តាមទម្រង់នេះយើងគិតថាការធ្លាក់តាមទម្រង់អក្សរ V នោះផលប៉ះពាល់បើកគិត នៅខែមករាធ្លាក់ចុះហើយ ដល់ខែឧសភានឹងអាចកើនឡើងវិញ (ករណីជំងឺមិនបន្តរាតត្បាត)»។
លោកក៏បានពន្យល់បន្ថែមថាបើតាមការវិភាគតាមទម្រង់អក្សរ V នោះអ្នកធ្វើដំណើរនៅ ទូទាំងពិភពលោកមានការថយចុះចំនួន៤៧ភាគរយមានន័យថាអ្នកដំណើរនឹងថយចុះស្មើ៥០៣លាននាក់ (ទូទាំងពិភពលោក)។ ក្នុងនោះចំណូលដែលខាតបង់ពីអ្នកធ្វើដំណើរមាន៥០៣ លាននាក់ នោះគឺមានចំនួនជាទឹកប្រាក់ប្រមាណ ១១២ពាន់លានដុល្លារ ដែលជាចំនួនច្រើន។ ផ្ទុយទៅវិញបើធ្វើការវិភាគតាមទម្រង់អក្សរ U វិញការធ្លាក់ចុះហើយអូសបន្លាយយូរ រហូតដល់ខែ មិថុនា ឬ កក្កដា ទើបឡើងវិញ ក្នុងនោះការថយចុះអ្នកដឹកដំណើរចំនួន៥៨ភាគរយ ស្មើនឹងការថយចុះអ្នកដំណើរ ៦០៧លាន នាក់ និងអាចខាតបង់សរុប១៥៥ពាន់លានដុល្លារអាមេរិក ។
លោកបានបញ្ជាក់ថា «អក្សរV មានអ្នកដំណើរថយចុះលឿន ហើយកើនវិញលឿន និង
អក្សរ U មានន័យថាថយចុះហើយកើនឡើងយឹត។ នេះជាការវិភាគប៉ះពាល់ដោយសារជំងឺកូវីដ១៩នៅ លើពិភពលោក »៕
ចែករំលែកព័តមាននេះ