រឿងឆុងឆ្នាំនេះជនជាតិចិន ឬខ្មែរសែស្រឡាយចិនមានជំនឿខ្លាំងណាស់ ដោយយល់ថា រឿងហេតុទាំងឡាយដែលកើតឡើងមកលើជីវិតរបស់គេ គឺដោយសារតែឆុងឆ្នាំហ្នឹងឯង ទើបនៅពេលឆុងឆ្នាំម្តងៗ ម្ចាស់ឆ្នាំតែងរកវិធីសព្វបែបយ៉ាងដើម្បីកាត់ឆុង លាភចូល ស៊យចេញ ។
ជាមួយគ្នានេះយោងតាមតម្រាប្រចាំឆ្នាំ២០២០ ឆ្នាំជូត កណ្តុរមាស លេខនាំសំណាង 168 ការងាររីកចម្រើនល្អប្រពៃណាស់ មានមិត្តភក្តិថ្មីៗចូលមកជួយការងារឱ្យរឹតតែប្រសើរ មានសុខភាពល្អ ការធ្វើដំណើរទៅណាមកណាជួបតែសុខសប្បាយតាមផ្លូវជាដរាប ។
ឆ្នាំនេះបើរាសីត្រូវនឹងធាតុឈើ ធាតុទឹក ធាតុមាស លោកអ្នកនឹងទទួលលាភធំ បណ្តាក់ទុនជោគជ័យ ការងាររកទទួលទានបានផលហួសពីការរំពឹងទុក ការងារតាមស្ថាប័នរលូនល្អ ។
តែត្រូវប្រយ័ត្នឆ្នាំជូតឆុងនឹងឆ្នាំ រោង ខាល ម្សាញ់ បើឆុងហេង នឹងមានលាភធំ តែបើឆុងស៊យប្រយ័ត្នជួបគ្រោះថ្នាក់ចរាចរណ៍ ឬខាតបង់លុយកាក់ ការងារមិនរលូន និងមានបញ្ហាសុខភាពផង ។
សូមបួងសួងដល់វត្ថុស័ក្តិសិទ្ធិក្នុងលោក ទេវតាឆ្នាំថ្មីតាមជួយថែរក្សាលោកអ្នកឱ្យប្រសព្វតែសុខចម្រើន រកទទួលទានមានបាន សុខសប្បាយគ្រប់ក្រុមគ្រួសារ ។ សាន សារិន
ចែករំលែកព័តមាននេះ