ខេត្តបន្ទាយមានជ័យ ៖ សង្កេតឃើញប្រជាពលរដ្ឋ បានចាប់ផ្តើមដំណើរទៅមកជាធម្មតាវិញហើយ ទន្ទឹមនឹងការបើកផ្លូវឡើងវិញ នាព្រឹកថ្ងៃទី១៦ មេសា នេះ ។ លោកឧត្តមសេនីយ៍ទោ…
ខេត្តបន្ទាយមានជ័យ ៖ សង្កេតឃើញប្រជាពលរដ្ឋ បានចាប់ផ្តើមដំណើរទៅមកជាធម្មតាវិញហើយ ទន្ទឹមនឹងការបើកផ្លូវឡើងវិញ នាព្រឹកថ្ងៃទី១៦ មេសា នេះ ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានឱ្យដឹងដែរ រាជរដ្ឋាភិបាលកម្ពុជា ចេញសេចក្តីសម្រេចស្តីពីការបញ្ចប់សុពលភាពបទបញ្ជាលេខ០២ ប.ប ចុះថ្ងៃទី០៩ មេសា ឆ្នាំ២០២០ ស្តីពីការដាក់កំហិតលើការធ្វើដំណើរក្នុងប្រទេសក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ១៩ ។
លោកបញ្ជាក់ថា ជាក់ស្តែងនៅថ្ងៃនេះ ក្នុងការសម្រួលការធ្វើដំណើររបស់បងប្អូន កុំឱ្យមានការកកស្ទះចរាចរណ៍នោះ កម្លាំងបានឈជើងតាមចំណុចភូមិសាស្គ្រខេត្តបន្ទាយមានជ័យ ជាប់ព្រំប្រទល់ខេត្តបាត់ដំបង មាន៣ចំណុច ជាប់ខេត្តឧត្តរមានជ័យ មាន២ចំណុច និងជាប់ខេត្តសៀមរាប មាន១ចំណុច ។
គួរបញ្ជាក់ដែរថា ក្រសួងសុខាភិបាលនៅថ្ងៃដដែលនេះ បានចេញលិខិតមួយដើម្បីស្នើអោយមានការដាក់ដោយឡែករយៈពេល១៤ថ្ងៃចំពោះកម្មករ ដែលនឹងវិលត្រឡប់មកធ្វើការនៅភ្នំពេញវិញ បន្ទាប់ពីការទៅស្រុកកំណើតក្នុងពេលបុណ្យចូលឆ្នាំ ។ ការស្នើទៅកាន់ក្រសួងការងារឱ្យធ្វើដូច្នេះ គឺដើម្បីទប់ស្កាត់ការឆ្លងរាលដាលមេរោគកូវីដ១៩នៅកម្ពុជា ជាពិេសសតាមរោងចក្រកាត់ដេរ ។
ចែករំលែកព័តមាននេះ