ក្តីបំណងរបស់ឪពុកម្តាយចង់ឱ្យកូនស្រីមានចរិយាសុភាពរាបសា រស់នៅក្នុងសង្គមមានសុជីវធម៌ល្អ ព្រោះសង្គមត្រូវការមនុស្សបែបនេះច្រើនណាស់ ។ កូនស្រីត្រូវដឹងថា យើងរស់នៅក្នុងសង្គមត្រូវតែមានចំណេះដឹង សណ្ដាប់ធ្នាប់ ការដឹងប្រមាណ ចេះគួរសមក្នុងកិច្ចការប្រាស្រ័យជាមួយអ្នកដទៃផងគ្នា បើយើងមិនមានសុជីវធម៌ទេ…
ក្តីបំណងរបស់ឪពុកម្តាយចង់ឱ្យកូនស្រីមានចរិយាសុភាពរាបសា រស់នៅក្នុងសង្គមមានសុជីវធម៌ល្អ ព្រោះសង្គមត្រូវការមនុស្សបែបនេះច្រើនណាស់ ។
កូនស្រីត្រូវដឹងថា យើងរស់នៅក្នុងសង្គមត្រូវតែមានចំណេះដឹង សណ្ដាប់ធ្នាប់ ការដឹងប្រមាណ ចេះគួរសមក្នុងកិច្ចការប្រាស្រ័យជាមួយអ្នកដទៃផងគ្នា បើយើងមិនមានសុជីវធម៌ទេ មិនថាយើងរៀនដល់កម្រិតណាទេ វាដូចជាអ្នកអត់បានរៀនអ៊ីចឹងណាកូន ។ ដូចជាការនិយាយស្ដីត្រូវតែសុភាពរាបសាជានិច្ច មិនត្រូវពោលពាក្យអាក្រក់នោះឡើយ ។
ក្នុងឱកាសបុណ្យចូលឆ្នាំនេះពេលដែលកូនស្រីចូលទៅក្នុងវត្តអារាមជាកន្លែងសក្ការបូជា ជាទីគោរព កូនមិនត្រូវសម្ដែងកិរិយាមិនគប្បីសោះឡើយ អ្នកជិះកង់ ម៉ូតូ កុំលឿនពេកគួរបន្ថយល្បឿនខ្លះផង បើកូនអាចចុះបណ្ដើរបានរឹតតែប្រសើរ វាមិនជាយូរប៉ុន្មានទេត្រឹមតែចម្ងាយក្នុងវត្តប៉ុណ្ណឹងនោះណាកូនស្រីម៉ែ ។
យើងជានារីត្រូវចេះសង្រួមពេលចូលទៅក្នុងវត្តអារាមណាកូនរបស់ម៉ែដូចជា ការនិយាយស្ដីកូនត្រូវពិចារណាផង ពេលយើងនិយាយខ្លះប៉ះពាល់ដល់អ្នកដែលគេកំពុងស្ដាប់ កូននិយាយត្រូវនិយាយសំឡេងកុំឮពេកក្រែងគេនិយាយដើមណាកូន ។
មួយទៀតចូរកូនកុំធ្វើជាមនុស្សរឹងរូស ត្រូវជាមនុស្សរឹងប៉ឹង មិនត្រូវធ្វើជាមនុស្សទន់ជ្រាយ ត្រូវធ្វើជាមនុស្សទន់ភ្លន់ តែម៉ឺងម៉ាត់ជានិច្ច ព្រោះកូនម៉ែរឹតតែទន់ភ្លន់រឹតតែល្អណាកូន ពេលដែលប្រុសៗគេឃើញកូនភ្លាម គេរមែងមើលកូនគ្រប់ចំណុចទាំងអស់ ហើយពេលដែលគេថាស្រលាញ់កូននោះ គឺគេមើលយើងអស់ហើយណាកូនស្រី ។ សាន សារិន
ចែករំលែកព័តមាននេះ