បរទេស៖ ការសិក្សាថ្មីមួយ ដែលពិនិត្យលើគំរូខ្យល់ជាមួយអ្នកជំងឺCOVID-១៩ បានរកឃើញថា វីរុសឆ្លងមួយនេះ អាចធ្វើដំណើរបានដល់១៣ហ្វីត (ប្រមាណជា៤ម៉ែត្រ) ពោលគឺស្មើនឹងចំនួន២ដងនៃការណែនាំអំពីគម្លាតសុវត្ថិភាពដែលត្រូវបានណែនាំឲ្យមនុស្សគួរតែទុកនៅចន្លោះខ្លួនគេនៅទីសាធារណៈ ដើម្បីបញ្ជៀសការឆ្លង ។ នេះបើយោងតាមការចុះផ្សាយរបស់សារព័ត៌មានបារាំងឈ្មោះថា RFI ជាភាសាអង់គ្លេស ។
ការរកឃើញថា មេរោគកូវីដ១៩ថា នៅក្នុងគំរូខ្យល់ដែលមានចំងាយ៤ម៉ែត្រពីអ្នកជំងឺ ដែលអាចឆ្លងទៅអ្នកដទៃនោះ ត្រូវបានធ្វើឡើងនៅប្រទេសចិន ដោយក្រុមអ្នកស្រាវជ្រាវវេជ្ជសាស្ត្រមកពីបណ្ឌិត្យសភាវិទ្យាសាស្ត្រយោធា ទីក្រុងធានជីន ប្រទេសចិន និងមន្ទីរពេទ្យហ៊ូសួនសាន ហើយវាត្រូវបានចុះផ្សាយនៅក្នុងទិនានុប្បវត្តិនៃមជ្ឈមណ្ឌលគ្រប់គ្រង និងបង្ការជំងឺអាមេរិក ដែលអះអាងថា ជំងឺឆ្លងកំពុងរីករាលដាលនិងរាតត្បាតជិត២០០ ប្រទេសលើពិភពលោក គឺអាចរកឃើញនៅក្នុងគំរូខ្យល់ចំងាយ ម៉ែត្រពីអ្នកជំងឺ
ឆ្លង។
ក្រុមអ្នកស្រាវជ្រាវផ្នែកវេជ្ជសាស្ត្របានធ្វើតេស្តលើផ្ទៃនិងគំរូខ្យល់ពីអង្គភាពសង្គ្រោះបន្ទាន់ (Intensive Care) ដែលបន្ទប់ព្យាបាលទូទៅសម្រាប់អ្នកជំងឺកូវីដ ១៩ នៅមន្ទីរពេទ្យ Huoshenshan ក្នុងទីក្រុង Wuhan ។ ពួកគេបានដាក់អ្នកជំងឺសរុបចំនួន ២៤ នាក់នៅចន្លោះថ្ងៃទី១៩ ខែកុម្ភៈ និងថ្ងៃទី២ ខែមីនា។ អ្នកស្រាវជ្រាវបានរកឃើញថា វីរុសនេះ ត្រូវបានគេប្រមូលផ្តុំខ្លាំងបំផុតនៅដាក់អ្នកជំងឺកូវីដ ១៩ ប្រហែលជាដោយសារតែទំនាញផែនដី និងលំហូរខ្យល់បណ្តាលឱ្យដំណក់ទឹកវីរុសភាគច្រើនអណ្តែតដល់ដីនិងកម្រាលឥដ្ឋ ។
កម្រិតខ្ពស់ក៏ត្រូវបានគេរកឃើញនៅលើផ្ទៃ ដែលត្រូវបានប៉ះជាញឹកញាប់ ដូចជាម៉ៅកុំព្យួទ័រធុងសំរាម ផ្លូវដែក គ្រែនិងទ្វារចូល។ កន្លងមក អង្គការសុខភាពពិភពលោក (WHO) មុននេះ ក៏បានបរិហារថាមេរោគនេះ អាចត្រូវបានគេរកឃើញនៅលើផ្ទៃខាងលើនិងផ្ទៃមុខអស់ក្នុងរយៈពេលយូរផងដែរ ។
ក្រុមអ្នកស្រាវជ្រាវក៏បានព្រមានផងដែរថា «សំណាកជាងពាក់កណ្តាលនៃស្បែកជើងបុគ្គលិកពេទ្យនៅផ្នែក ICU ត្រូវបានគេធ្វើតេស្ត៍ឃើញវិជ្ជមានវីរុសនេះ ។ ដូច្នេះស្បែកជើងបុគ្គលិកពេទ្យតែម្នាក់ឯងអាចដើរតួជាអ្នកដឹកជញ្ជូនមេរោគបាន» ៕
ចែករំលែកព័តមាននេះ