សិរីមង្គលស្ថិតនៅតែចំពោះអ្នកប្រព្រឹត្តល្អ
នៅក្នុងជ័យមង្គលព្រះដ៏មានព្រះភាគបានត្រាស់ថា ពេលណាដែលសត្វទាំងឡាយ ប្រព្រឹត្តល្អដោយកាយ វាចា ចិត្ត ពេលនោះឈ្មោះថា នក្ខត្តឫក្សល្អ មង្គលល្អ ពេលភ្លឺស្វាងល្អ ពេលនៃអរុណរះឡើងល្អ…
នៅក្នុងជ័យមង្គលព្រះដ៏មានព្រះភាគបានត្រាស់ថា ពេលណាដែលសត្វទាំងឡាយ ប្រព្រឹត្តល្អដោយកាយ វាចា ចិត្ត ពេលនោះឈ្មោះថា នក្ខត្តឫក្សល្អ មង្គលល្អ ពេលភ្លឺស្វាងល្អ ពេលនៃអរុណរះឡើងល្អ ខណៈល្អ យាមល្អ ។
ទានដែលបុគ្គលបានបូជាហើយដល់ព្រហ្មចារីបុគ្គលទាំងឡាយ ក្នុងពេលនោះ ឈ្មោះថាជាគ្រឿងបូជាល្អ ក្នុងថ្ងៃនោះកាយកម្ម ក៏ឈ្មោះថានាំឲ្យមានសេចក្តីចម្រើន, វចីកម្ម ក៏ឈ្មោះថា នាំឱ្យមានសេចក្តីចម្រើន, មនោកម្ម ក៏ឈ្មោះថា នាំឲ្យមានសេចក្តីចម្រើន គឺសុទ្ធតែចម្រើនទាំងអស់ ។ កាលបើបុគ្គលប្រព្រឹត្តល្អហើយ សេចក្តីប្រាថ្នាទាំងឡាយរបស់អ្នកទាំងនោះ ក៏ឈ្មោះថា នាំឲ្យមានសេចក្តីចម្រើន ។
បុគ្គលដែលបានធ្វើនូវកាយកម្ម វចីកម្ម មនោកម្ម គួរដល់សេចក្តីចម្រើនយ៉ាងនេះហើយ ក៏រមែងបាននូវប្រយោជន៍ដ៏ចម្រើនទាំងឡាយ ។ សាន សារិន
ចែករំលែកព័តមាននេះ