កខ្វក់បរិយាកាស ការបំផ្លិចបំផ្លាញធនធានធម្មជាតិ និងផលប៉ះពាល់ផ្សេងៗដែលមកពីបម្រែបម្រួលបរិយាកាសបាននាំឲ្យបរិស្ថានពិភពលោកតែត្រូវបានបំផ្លាញបន្តិចម្តងៗ ។ មូលហេតុសំខាន់មួយដែលនាំឲ្យមានស្ថានការនេះកើតឡើង គឺវិធីប្រកបអាជីវកម្មដែលបង្កការប៉ះពាល់ដល់បរិស្ថាន ។
យ៉ាងណាក្តី មានវិធីជាច្រើនដែលអាជីវករអាចធ្វើដើម្បីចូលរួមក្នុងការការពារបរិស្ថានបានហើយការធ្វើដូច្នេះមិនត្រឹមតែជួយកាត់បន្ថយផលប៉ះពាល់ដល់បរិស្ថានទេ តែពួកគេថែមទាំងរកប្រាក់ចំណេញបានច្រើនជាងមុនថែមទៀត ព្រោះអតិថិជនសុខចិត្តចំណាយច្រើនលើផលិតផល និងសេវាកម្មដែលមិនប៉ះពាល់ដល់បរិស្ថាន ។
ខាងក្រោម គឺជាគំនិតរកលុយមួយចំនួនសម្រាប់អាជីវករដែលមានចំណាប់អារម្មណ៍លើអាជីវកម្មដែលមិនប៉ះពាល់ដល់បរិស្ថាន ។
១. ហាងលក់ផលិតផលសរីរាង្គ
មនុស្សជាច្រើនក្នុងប្រទេសកម្ពុជានៅតែភ័យព្រួយរឿងធាតុគីមីដែលមិនត្រឹមតែប៉ះពាល់ដល់បរិស្ថានទេ តែក៏ប៉ះពាល់ដល់សុខភាពរបស់ពួកគេផងដែរ ។ ដោយហេតុដូចនេះ ទីផ្សារផលិតផលសរីរាង្គដូចជាបន្លែនិងផ្លែឈើនៅតែមានតម្រូវការខ្ពស់ ។ ប៉ុន្តែក្រៅពីអាហារហើយ អ្នកអាចធ្វើការស្រាវជ្រាវបន្ថែមលើផលិតផលធម្មជាតិដទៃទៀតដូចជាផលិតផលថែរក្សាសម្ផស្សជាដើម ។
២. អាជីវកម្មកែច្នៃសម្រាម
សម្រាមមួយចំនួនអាចយកមកផលិតអ្វីផ្សេងបាន ហើយអ្នកដែលដើរប្រមូលសម្រាប់ទាំងនោះមកកែច្នៃ ជាអ្នកដែលរកចំណូលបានពីដំណើរការនេះ ។ ជាទូទៅ អាជីវករក្នុងវិស័យនេះមានជម្រើសជាច្រើនដូចជាកាកសំណល់អាលុយមីញ៉ូម ថ្ម គ្រឿងអេឡិចត្រូនិក វេយនភ័ណ្ណ ក្រដាស និងប្លាស្ទិចជាដើម ។
៣. កែច្នៃគ្រឿងសង្ហារឹមចាស់ៗ
បើអ្នកជាមនុស្សដែលចូលចិត្តសង់ ឬធ្វើគ្រឿងសង្ហារឹមព្រមទាំងយល់ដឹងពីអ្វីដែលទាន់សម័យនោះ អ្នកអាចសាកល្បងគំនិតនេះបាន ។ អ្វីដែលអ្នកត្រូវការគឺគ្រាន់តែទិញចូលនូវគ្រឿងសង្ហារឹមចាស់ៗដែលនៅអាចប្រើប្រាស់បានរួចរកវាមកដុះលាងសម្អាត ឬច្នៃម៉ូដឡើងវិញមុននឹងដាក់វាលក់បន្ត ។
៤. លក់សៀវភៅចាស់ៗ
ដើមឈើរាប់ប៊ីលានដើមត្រូវបានកាប់ជារៀងរាល់ឆ្នាំដើម្បីផលិតក្រកដាស ពង្រីកកសិកម្ម ឬដើម្បីលក់ជាដើម ។ ដូច្នេះអ្នកអាចជួយកាត់បន្ថយការប្រើប្រាស់ក្រដាសច្រើនបានដោយធ្វើការលក់សៀវភៅចាស់ៗ ។ បើអ្នកមិនមានធនធានគ្រប់គ្រាន់ក្នុងការបើកហាងលក់មួយទេនោះ អ្នកក៏អាចយកវាទៅលក់លើប្រព័ន្ធសង្គមផងដែរ ៕
ចែករំលែកព័តមាននេះ