ប្រទេសរុស្ស៊ី ៖ គ្រួសារមួយដែលមានសមាជិក៥នាក់ មកពីតំបន់ Sverdlovsk នៃប្រទេសរុស្ស៊ី បានផ្តាច់ខ្លួនទៅរស់នៅក្នុងព្រៃ ដែលមានចម្ងាយរាប់គីឡូម៉ែត្រ ពីកន្លែងដែលមនុស្សរស់នៅ ដោយសារតែខ្លាចឆ្លងកូវីដ១៩…
ប្រទេសរុស្ស៊ី ៖ គ្រួសារមួយដែលមានសមាជិក៥នាក់ មកពីតំបន់ Sverdlovsk នៃប្រទេសរុស្ស៊ី បានផ្តាច់ខ្លួនទៅរស់នៅក្នុងព្រៃ ដែលមានចម្ងាយរាប់គីឡូម៉ែត្រ ពីកន្លែងដែលមនុស្សរស់នៅ ដោយសារតែខ្លាចឆ្លងកូវីដ១៩ ពីមនុស្សផ្សេងទៀត។
នៅថ្ងៃទី៦ ខែមេសា ប៉ូលីស Sverdlovsk បានទទួលទូរស័ព្ទពីស្ត្រីម្នាក់នៅក្នុងភូមិ Krasnogvardeisky ដែលបានអះអាងថា បងប្រុសរបស់នាងបានយកប្រពន្ធ និងកូន៣នាក់ ចូលទៅក្នុងព្រៃក្បែរនោះ ដើម្បីគេចផុតពីការគំរាមកំហែងនៃការឆ្លងមេរោគ។ ក្រុមគ្រួសារបានចាកចេញពីភូមិមួយថ្ងៃមុន និងមិនមានទំនាក់ទំនងគ្នាទេ ដូច្នេះស្ត្រីនោះមានការព្រួយបារម្ភអំពីសុខុមាលភាពរបស់ពួកគេ ជាពិសេសក្មេងៗ។ បន្ទាប់ពីដើរស្វែងរកដោយក្រុមប៉ូលិសរួចមក ពួកគេបានរកឃើញគ្រួសារនោះរស់នៅក្នុងព្រៃ ដែលមានមេឃធំល្វឹងល្វើយ។
នៅពេលត្រូវបានសួរថា តើពួកគេកំពុងធ្វើអ្វីនៅក្នុងព្រៃជាមួយក្មេងតូចៗចំនួន៣នាក់នោះ បុរសជាមេគ្រួសារអាយុ៣៣ឆ្នាំ បានប្រាប់ប៉ូលិសថា ពួកគេបានរត់ចេញពីផ្ទះរបស់ពួកគេ ដើម្បីចៀសវាងការឆ្លងវីរុសនេះ។ ហើយចាប់តាំងពីការឃ្លាតឆ្ងាយពីសង្គមត្រូវបានគេផ្សព្វផ្សាយថា ជាមធ្យោបាយដ៏ល្អបំផុត ដើម្បីកាត់បន្ថយហានិភ័យនៃការឆ្លងមេរោគនោះ ពួកគេក៏គិតឃើញដល់ការមករស់នៅក្នុងព្រៃ។
ឪពុកម្តាយខាងលើ ត្រូវបានចោទប្រកាន់ពីបទមិនបំពេញ ឬការបំពេញមិនត្រឹមត្រូវដោយឪពុកម្តាយ ឬអ្នកតំណាងស្របច្បាប់ដទៃទៀតនៃអនីតិជន ដែលត្រូវមើលថែរក្សាអប់រំការពារសិទ្ធិ និងផលប្រយោជន៍របស់អនីតិជន។ ឥឡូវប្តីប្រពន្ធមួយគូនេះប្រឈមនឹងការផាកពិន័យពី ១.៣ដុល្លារ ទៅ ៧ដុល្លារ៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ