ឥទ្ធិពលរបស់វិស័យដឹកជញ្ជូនរហ័ស ក្នុងការជួយជំរុញសេដ្ឋកិច្ចនៅកម្ពុជា
- ភ្នំពេញ
កំណើនសេដ្ឋកិច្ចកម្ពុជា រំពឹងថា នឹងធ្លាក់មកត្រឹម ២,៣% សម្រាប់ ឆ្នាំ ២០២០នេះ ។ ប៉ុន្តែនឹងហក់ឡើងវិញដល់ ៥,៧%…
កំណើនសេដ្ឋកិច្ចកម្ពុជា រំពឹងថា នឹងធ្លាក់មកត្រឹម ២,៣% សម្រាប់ ឆ្នាំ ២០២០នេះ ។ ប៉ុន្តែនឹងហក់ឡើងវិញដល់ ៥,៧% ក្នុងឆ្នាំ ២០២១ ប្រសិនបើជំងឺរាតត្បាត Covid-19 ត្រូវបញ្ចប់ ហើយសកម្មភាពសេដ្ឋកិច្ចនឹងវិលមករកប្រក្រតីភាពវិញ នេះបើយោងតាមធនាគារអភិវឌ្ឍអាស៊ី (ADB) ។ ទោះបីយ៉ាងណា សេដ្ឋកិច្ចកម្ពុជានឹងទទួលបានឱកាសថ្មីក្នុងការអភិវឌ្ឍលើវិស័យឧស្សាហកម្ម ពាណិជ្ជកម្មតាមប្រព័ន្ធអេឡិចត្រូនិក និងការដឹកជញ្ជូនប្រកបដោយជំនាញវិជ្ជាជីវៈឈានមុខគេ ជាពិសេសនៅក្នុងកាលៈទេសៈនៃការរាតត្បាតនៃរីរុស Covid-19 នេះ ។
បើយោងតាមរបាយការណ៍របស់ធនាគារពិភពលោក ពាណិជ្ជកម្មអេឡិចត្រូនិកមានសក្តានុពល ដើម្បីជំនះឧបសគ្គទីផ្សារ និងភ្ជាប់អតិថិជនទៅនឹងអាជីវកម្ម ។ វាអាចបង្កើតការងារដោយផ្ទាល់ក៏ដូចជាតាមរយៈសេវាកម្មដឹកជញ្ជូន និងផ្នែកផ្សេងទៀតនៃប្រព័ន្ធអេឡិចត្រូនិកដែលមានលក្ខណៈទូលំទូលាយ នឹងធ្វើឱ្យការប្រើប្រាស់កាន់តែងាយស្រួល និងមានតម្លៃទាប ដែលជួយដល់កំណើនសេដ្ឋកិច្ច ។
បច្ចុប្បន្ន សេវាកម្មដឹកជញ្ចូនរវាងកម្ពុជា និងប្រទេសដទៃទៀត គឺនៅមានគម្លាតធំ ។ ការដឹកជញ្ចូននៅក្នុងប្រទេសកម្ពុជា ត្រូវការចំណាយខ្ពស់ និងទាមទារឱ្យមានជំនាញវិជ្ជាជីវៈច្បាស់លាស់ ដើម្បីជួយកែលម្អ និងលើកកម្ពស់សេវាកម្មដឹកជញ្ជូនតាមមូលដ្ឋាន ដើម្បីជួយដល់ការអភិវឌ្ឍសេដ្ឋកិច្ចរបស់ប្រទេសទាំងមូល ។ ទោះយ៉ាងណាក៏ដោយក៏មានក្រុមហ៊ុនធំៗជាច្រើនបានចាប់ផ្តើមប្រតិបត្តិការលើវិស័យដឹកជញ្ជូនរួចរាល់ ហើយនៅកម្ពុជារួមមាន J&T, BEST EXPRESS និងZTO ជាដើម ។
លោក Jason អ្នកគ្រប់គ្រងទូទៅប្រចាំតំបន់អាស៊ីអាគ្នេយ៍របស់ក្រុមហ៊ុនដឹកជញ្ជូន BEST EXPRESS បានលើកឡើងថា ប្រទេសកម្ពុជា គឺជាប្រទេសដែលមានការរីកចម្រើនយ៉ាងឆាប់រហ័ស និងជាផ្នែកមួយដ៏សំខាន់របស់យុទ្ធសាស្ត្រអន្តរជាតិរបស់យើង ។
លោក Jason បានបន្តថា «បច្ចុប្បន្ននេះ គឺជាឱកាសដ៏ល្អមួយសម្រាប់ការវិនិយោគលើប្រព័ន្ធដឹកជញ្ចូនប្រកបដោយប្រសិទ្ធភាព និងវិជ្ជាជីវៈនៅក្នុងប្រទេសកម្ពុជា ដើម្បីជួយដល់ការអភិវឌ្ឍសេដ្ឋកិច្ចអេឡិចត្រូនិករបស់ប្រទេសកម្ពុជា» ។ ជាក់ស្តែង BEST EXPRESS បានវិនិយោគរាប់លានដុល្លារនៅក្នុងប្រទេសកម្ពុជា ហើយវិសាលភាពអាជីវកម្មរបស់ក្រុមហ៊ុននេះគឺស្រដៀងគ្នាទៅនឹង POST និង J&T ។
យុទ្ធសាស្ត្ររបស់ក្រុមហ៊ុន គឺផ្តោតសំខាន់លើពាណិជ្ជកម្មតាមប្រព័ន្ធអេឡិចត្រូនិក ការដឹកជញ្ជូនក្នុងស្រុក និងក្រៅស្រុក ស្របពេលដែល BEST EXPRESS មានទំនាក់ទំនងជិតស្និទ្ធជាមួយក្រុមហ៊ុន Alibaba Group ។ ក្រុមហ៊ុន BEST EXPRESS បានចាប់ផ្តើមដំណើរការនៅក្នុងរាជធានីភ្នំពេញ ហើយរំពឹងថា នឹងបញ្ចប់ការបង្កើតបណ្តាញសាខាក្រុមហ៊ុនដឹកជញ្ជូននៅក្នុងប្រទេសកម្ពុជាទាំងមូលនៅក្នុងឆ្នាំ២០២០ នេះ៕
ដើម្បីទំនាក់ទំនងបើកសាខា BEST EXPRESS CAMBODIA សូមចុចទីនេះ៖ https://forms.gle/eR6Pzas6dF65G7tj6
ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ