អ្នកវិទ្យាសាស្ត្រអង់គ្លេសបានព្រលយពាក្យថា វ៉ាក់សាំងប្រឆាំងមេរោគកូវីដ១៩អាចនឹងមានប្រើប្រាស់
ជាសាធារណ:នៅខែកញ្ញាខាងមុខនេះ បើសិនជាអ្វីៗដំណើរការបានល្អដូចការព្រាងទុក ។
សាស្ត្រាចារ្យនៅសកលវិទ្យាល័យ Oxford University លោកស្រី សារ៉ា ហ្គីលបឺត បាននិយាថា លោក ស្រីមានជំនឿ៨០ភាគរយថា វ៉ាក់សាំងនេះនឹងមានប្រសិទ្ធិភាព ។ លោកស្រីគឺជាអ្នកដឹកនាំការស្រាវជ្រាវវ៉ាក់សាំងកូរ៉ូណាវីរុស ឬកូវីដ១៩ នៅអង់គ្លេស ។
លោកស្រីបន្តទៀតថា សេណារីយ៉ូប្រកដោយសុទិដ្ឋិនិយមនេះ អាចនកើតមាន បើសិនជាការសាកល្បងវ៉ាក់សាំងទៅលើមនុស្ស អាចនឹងចាប់ផ្តើមក្នុងរយៈពេលពីរសប្តាហ៍ទៀត ។ ទោះបីជាពីមុន យើងគិតថា នឹងត្រូវការពេលវេលា១៨ខែ ដើម្បីបង្កើតវ៉ាក់សាំងនេះក្តី ឥឡូវយើងគិតថា យើងនឹងអាចបង្កើតវាបានត្រឹមខែកញ្ញា ។ រដ្ឋាភិបាលអង់គ្លេសបានសន្យា ហើយនឹងផ្តល់លុយសម្រាប់ការផលិតវ៉ាក់សាំងនេះរាប់លាន ដើម្បីអោយមានការប្រើប្រាស់ទាន់ពេលវេលា ។
បើសិនជាវ៉ាក់សាំងនេះបានបង្កើតបានត្រឹមខែកញ្ញាមែននោះ វានឹងបានជួយមនុស្សជាច្រើនក្នុងពិភពលោកពីការស្លាប់ដោយមេរោគកូវីដ១៩ ខណៈដែលរហូតមកដល់ពេលនេះ បានសម្លាប់មនុស្សជាងមួយសែននាក់ និងបានធ្វើអោយមនុស្សចំនួន១លាន៧សែននាក់ធ្លាក់ខ្លួនឈឺ ៕
ចែករំលែកព័តមាននេះ