យោងទៅតាមបញ្ជីឈ្មោះមហាសេដ្ឋីប្រចាំឆ្នាំ ២០២០ របស់ទស្សនាវដ្តី Forbs បានឲ្យដឹងថា ពាក់កណ្តាលនៃមហាសេដ្ឋីភេទស្រីដែលមានទ្រព្យសម្បត្តិច្រើនជាងគេទាំង ១០ លើលោក គឺមកពីសហរដ្ឋអាមេរិក ហើយក្រុមហ៊ុនរបស់ពួកគេក៏ស្ថិតក្នុងចំណោមអ្នកចូលរួមធំៗដើម្បីទប់ទល់នឹងវីរុសកូវីដ-១៩ដែរ…
យោងទៅតាមបញ្ជីឈ្មោះមហាសេដ្ឋីប្រចាំឆ្នាំ ២០២០ របស់ទស្សនាវដ្តី Forbs បានឲ្យដឹងថា ពាក់កណ្តាលនៃមហាសេដ្ឋីភេទស្រីដែលមានទ្រព្យសម្បត្តិច្រើនជាងគេទាំង ១០ លើលោក គឺមកពីសហរដ្ឋអាមេរិក ហើយក្រុមហ៊ុនរបស់ពួកគេក៏ស្ថិតក្នុងចំណោមអ្នកចូលរួមធំៗដើម្បីទប់ទល់នឹងវីរុសកូវីដ-១៩ដែរ ។
ក្នុងបញ្ជីឈ្មោះខាងលើមាន ២៣៤នាក់ជាស្ត្រី ដែលទាបជាងចំនួន ២៤៤នាក់កាលពីឆ្នាំមុន ។ ទ្រព្យសម្បត្តិរួមក្នុងចំណោមស្ត្រីទាំង ២៣៤នាក់នេះមាន ៩២៧.៤ប៊ីលានដុល្លារ ដែលច្រើនជាងឆ្នាំ ២០១៩ ដែលស្មើតែ ២៩.៤ប៊ីលានដុល្លារប៉ុណ្ណោះ ។ខាងក្រោម គឺជាមហាសេដ្ឋីភេទស្រីដែលមានទ្រព្យសម្បត្តិច្រើនជាងគេលើលោក និងការចូលរួមរបស់ពួកគេក្នុងការឆ្លើយតបនឹងកូវីដ-១៩៖
១. អ្នកស្រី អាលីស វ៉លថុន (Alice Walton) ដែលមានទ្រព្យសម្បត្តិសរុប ៥៤.៤ប៊ីលានដុល្លារ
អ្នកស្រីស្ថិតក្នុងចំណោមកូនទាំងបួនរបស់លោក សេម វ៉លថុន (Sam Walton) ដែលជាស្ថាបនិករបស់ក្រុមហ៊ុន Walmart ដ៏ធំនៅសហរដ្ឋអាមេរិក ។ អ្នកស្រីមានតំណែងនៅមូលនិធិរបស់គ្រួសារ មិនមែនក្រុមហ៊ុនទេ ។ ក្រុមហ៊ុន Walmart និង Walmart Foundation បានប្តេជ្ញាថានឹងបរិច្ចាគ ២៥លានដុល្លារដើម្បីជួយដល់អង្គការឆ្លើយតបនឹងកូវីដ-១៩។
២. អ្នកស្រី ហ្វ្រង់ស័រ បេថេនខូត មេយយើ (Francoise Bettencourt Meyers) មានទ្រព្យសម្បត្តិសរុប ៤៨.៩ប៊ីលានដុល្លារ ។ អ្នកស្រីជាចៅស្រីរបស់លោក យូជីន ស្ស៊ូលើ (Eugene Schueller) ដែលជាស្ថាបនិករបស់ក្រុមហ៊ុន L’Oreal ។ ដើម្បីឆ្លើយតបនឹងកូវីដ-១៩ L’Oreal សាខាសហរដ្ឋអាមេរិកបានបរិច្ចាគថវិកាចំនួន ២៥ម៉ឺនដុល្លារដល់អង្គការ Feeding America ចូលរួមផលិតអាល់កុលសម្រាប់លាងដៃដែលនឹងត្រូវបានផ្តល់ឲ្យដោយឥតគិតថ្លៃដល់បុគ្គលិក និងបុគ្គលិកក្នុងវិស័យសុខាភិបាល ខណៈដែលបរិច្ចាគផលិតផលសម្អាតខ្លួនសរុប ១លានដុល្លារដល់ Feed the Children និងបរិច្ចាគម៉ាស់ N95 ទៅឲ្យមន្ទីរពេទ្យផងដែរ ។
៣. អ្នកស្រី ជូលី ខូច (Julia Koch) ដែលមានទ្រព្យសម្បត្តិសរុប ៣៨.២ប៊ីលានដុល្លារ ។
អ្នកស្រី ខូច និងកូនៗទាំងបីបានស្នងភាគហ៊ុនចំនួន ៤២% របស់ក្រុមហ៊ុន Koch Industries ពេលដែលស្វាមីលទទួលមរណៈភាពនៅខែសីហាឆ្នាំ ២០១៩ កន្លងមកនេះ ។
៤. អ្នកស្រី មេកខេនស៊ី បេសូស (Mackenzie Bezos) ដែលមានទ្រព្យសម្បត្តិសរុប ៣៦ប៊ីលានដុល្លារ ។ អ្នកស្រីទទួលបានភាគហ៊ុន ២៥% របស់ក្រុមហ៊ុន Amazon ដ៏ធំនៅសហរដ្ឋអាមេរិកពីអតីតស្វាមីនៅឆ្នាំ ២០១៩ ។ នៅខែឧសភាឆ្នាំ ២០១៩ អ្នកស្រីបានសន្យាថានឹងបរិច្ចាគយ៉ាងតិចណាស់ក៏ពាក់កណ្តាលនៃទ្រព្យសម្បត្តិទាំងអស់ទៅឲ្យសប្បុរសធម៌ដែរ ៕
ចែករំលែកព័តមាននេះ