១-លលាដ៍ក្បាលសម្រាប់ការស្រាវជ្រាវ
លលាដ៍ក្បាលប្រើក្នុងវិទ្យាសាស្ត្រពេទ្យ បានទទួលពីការបរិច្ចាគរបស់សប្បុរសជនក្នុងសហរដ្ឋអាមេរិក ។ តាមការស្រាវជ្រាវឃើញថា មានលលាដ៍ក្បាលមួយក្នុងចំណោមលលាដ៍ក្បាលទាំង២នោះ គឺជាលលាដ៍ក្បាលកុមារអាយុជាង១០០ឆ្នាំមុន ។
២-ទទួលទានអាហារនៅខាងក្រោមទឹក
ក្រុមគ្រួសារជនជាតិចិន ទទួលទានអាហារនៅក្រោមទឹក ក្នុងឧទ្យានទឹក ដោយមានត្រីចម្រុះពណ៌ ក្នុងក្រុងធៀនជីង ភាគខាងជើងប្រទេសចិន ។
៣-ដៃសិប្បនិមិត្ត
ដៃសិប្បនិមិត្តមួយផលិតដោយក្រុមហ៊ុនក្នុងទីក្រុងដ្រេសដេន ភាគខាងកើតប្រទេសអាល្លឺម៉ង់ ខណៈពេលអ្នកជំនាញចេញម៉ូដផ្ចិតផ្ចង់ រួមមានសរសៃឈាម និងស្នាមសាក់ដូចដៃមនុស្សពិត ។
៤-ឈុតច្នៃពីស្រោមអនាម័យ
នាងអេឌ្រៀណា បែ៊ទីនី ជនជាតិប្រេស៊ីល ឃោសនាឱ្យមនុស្សរួមរ័កប្រកបដោយសុវត្ថិភាព ដោយបង្ហាញសម្លៀកបំពាក់ច្នៃពីស្រោមអនាម័យ ក្នុងកិច្ចប្រជុំស្តីពីជំងឺអេដស៍ពិភពលោកនៅក្រុងមេលប៊ើន ប្រទេសអូស្ត្រាលី ។
៥-មនុស្សយន្តឡើងជណ្តើរ
«អីុស៊ីម៉ូ» ជាមនុស្សយន្តឡើងជណ្តើរយ៉ាងស្ទាត់ជំនាញ ក្នុងពិធីតាំងពិពរ័ណ៍នៅក្រុងសាវ៉េនថែម ក្បែរក្រុងព្រុចសែល ប្រទេសបែលហ្ស៊ិក។ លើសពីនេះ មនុស្សយន្តនោះអាចរត់បានក្នុងល្បឿន៩គីឡូម៉ែត្រក្នុងមួយម៉ោង ។
៦-ទូរស័ព្ទអាចការពារទឹក
បុរសស្រីលង្កាម្នាក់កាន់ទូរស័ព្ទស្មាតហ្វូនស៊េរី «Xperia C2» របស់ក្រុមហ៊ុនសូនី ។ ចំណុចពិសេសរបស់ទូរស័ព្ទនោះគឺអាចការពារការជ្រាបទឹក ។
៧-ទិវាវប្បធម៌
តុក្កតាជាច្រើនដាក់តាំងលក់នៅក្នុងហាងលក់វត្ថុអនុស្សាវរីយ៍មួយក្នុងក្រុងសាលប៊ួក ប្រទេសអូទ្រីស ក្នុងទិវាវប្បធម៌ «សាលប៊ួក» ដែលប្រារព្ធធ្វើឡើងពីថ្ងៃទី២៧ កក្កដា ដល់ ៣១ សីហា ជារៀងរាល់ឆ្នាំ ៕
ចែករំលែកព័តមាននេះ