ខេត្តស្វាយរៀង ៖ ក្រសួងទេសចរណ៍ និងអគ្គនាយកដ្ឋានអន្តោប្រវេសន៍បានបើកវគ្គបណ្តុះបណ្តាលមុខជំនាញបដិសណ្ឋារកិច្ច និងសេវាកម្មភ្ញៀវទេសចរជូនដល់មន្ត្រីសមត្ថកិច្ចដែលបម្រើការងារនៅតាមច្រកទ្វារព្រំដែនអន្តរជាតិបាវិតដើម្បីមានសមត្ថភាពក្នុងការធ្វើបដិសណ្ឋារកិច្ច និងផ្តល់សេវាកម្មភ្ញៀវទេសចរឲ្យកាន់តែល្អប្រសើរ។
វគ្គបណ្តុះបណ្តាលនេះបានធ្វើឡើងកាលពីរវេលាម៉ោង៨ព្រឹក ថ្ងៃទី៩ តុលា ២០១៤ នៅសាលប្រជុំទីបញ្ជាការដ្ឋាននគបាលអន្តោប្រវេសន៍ច្រកទ្វារព្រំដែនអន្តរជាតិបាវិតក្រុងបាវិត ក្រោមអធិបតីភាពលោកហោ សារុន អនុរដ្ឋលេខាធិការក្រសួងទេសចរណ៍ និងជាប្រធានលេខាធិការដ្ឋានគណៈកម្មាធិការអន្តរក្រសួង លោកឧត្តមសេនីយ៍ទោព្រំឌុច បូរ៉ានឿន តំណាងអគ្គនាយកដ្ឋានអន្តោប្រវេសន៍ លោកលឹម សៀងហេង អភិបាលរងក្រុងបាវិត និងសិក្ខាកាម៥៥នាក់។
លោកហោ សារុន អនុរដ្ឋលេខាធិការក្រសួងទេសចរណ៍បានមានមតិបើកវគ្គនោះថា វគ្គបណ្តាលនេះមានរយៈពេលពីរថ្ងៃ ធ្វើឡើងក្នុងគោលបំណងចូលរួមពង្រឹងសមត្ថភាពមន្ត្រីសមត្ថកិច្ចក្នុងការធ្វើបដិសណ្ឋារកិច្ច និងបម្រើសេវាកម្មភ្ញៀវទេសចរជាតិ និងអន្តរជាតិនៅតាមច្រកទ្វារព្រំដែនអន្តរជាតិខេត្តស្វាយរៀងដែលជាច្រកសេដ្ឋកិច្ច និងទេសចរណ៍មួយយ៉ាងសំខាន់ក្នុងព្រះរាជាណាចក្រកម្ពុជា៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ