ខេត្តកំពង់ស្ពឺ ៖ បុរសជាអ្នកចាំចំការឲ្យបងថ្លៃម្នាក់ ដោយសារឃ្លានបាយខ្លាំងពេកច្រឡំយកប៊ីដុងប្រេងសាំងថាជាប្រេងកាតយកទៅចាក់បង្កាត់ភ្លើងបណ្តាលឲ្យឆាបឆេះខ្លួនខ្លោចដូចធ្យូង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១រសៀល ថ្ងៃទី៧ តុលា នៅក្នុងភូមិស្វាយធំ ឃុំដំបូករូង ស្រុកភ្នំស្រួច ខេត្តកំពង់ស្ពឺ ។
ខេត្តកំពង់ស្ពឺ ៖ បុរសជាអ្នកចាំចំការឲ្យបងថ្លៃម្នាក់ ដោយសារឃ្លានបាយខ្លាំងពេកច្រឡំយកប៊ីដុងប្រេងសាំងថាជាប្រេងកាតយកទៅចាក់បង្កាត់ភ្លើងបណ្តាលឲ្យឆាបឆេះខ្លួនខ្លោចដូចធ្យូង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១រសៀល ថ្ងៃទី៧ តុលា នៅក្នុងភូមិស្វាយធំ ឃុំដំបូករូង ស្រុកភ្នំស្រួច ខេត្តកំពង់ស្ពឺ ។
ជនរងគ្រោះមានឈ្មោះ ណន ខ្លី ភេទប្រុស អាយុ៣២ឆ្នាំ ជាកសិករ មានទីលំនៅភូមិ ស្វាយធំ ឃុំដំបូករូង ស្រុកភ្នំស្រួច ខេត្តកំពង់ស្ពឺ មានប្រពន្ធឈ្មោះ អ៊ុន ទ្រា អាយុ៣១ឆ្នាំ មានកូន៣នាក់ ស្រីម្នាក់ និងប្រុស២នាក់ ។ ជនរងគ្រោះបានឲ្យដឹងថា គាត់បានទៅចាំចំការឲ្យបងថ្លៃនៅជិតផ្ទះរបស់គាត់ដែរ ហើយមុនពេលកើតហេតុគាត់ឃ្លានបាយពេកបានបង្កាត់ភ្លើងដើម្បីដាំបាយហូប ប៉ុន្តែពេលបង្កាត់ភ្លើងស្រាប់តែច្រឡំយកប៊ីដុងប្រេងសាំងស្មានថាជាប្រេងកាតយកទៅចាក់បង្កាត់ភ្លើងបណ្តាលឲ្យឆាបឆេះខ្លួនសន្ធោសន្ធៅខ្លោចខ្មៅតាំងពីមុខរហូតដល់ត្រឹមចង្កេះ គឺខ្លោចខ្មៅដូចធ្បូង ចំណែកជើងឆេះរោលរលាកតិចជាងខ្លួនទេ ។
ក្រោយពេលកើតហេតុជនរងគ្រោះត្រូវគេបញ្ជូនទៅព្យាបាលនៅមន្ទីរពេទ្យស្រុកត្រែងត្រយឹង តែពេទ្យមិនទទួល បានបញ្ជូនទៅពេទ្យខេត្តកំពង់ស្ពឺទៀត តែពេទ្យអត់ហ៊ានព្យាបាល ព្រោះឃើញធ្ងន់ធ្ងរពេកក៏បញ្ជូនបន្តទៅព្យាបាលនៅមន្ទីរពេទ្យព្រះកុសុមៈ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ