ខេត្តប៉ៃលិន ៖ ក្រោយពីឪពុកម្តាយបានហាមឃាត់មិនអោយនាង(កូនស្រី)ទៅអ៊ុតសក់ត្រង់ ព្រោះខ្លាចឆ្លងជំងឺកូវីដ១៩ ស្រាប់កូនស្រីអាយុ១៤ឆ្នាំម្នាក់នេះបានបញ្ចប់ជីវិតនៅក្នុងបន្ទប់ ដោយគ្មានអ្នកណាម្នាក់បានដឹងនោះទេ ។ លុះពេលអ្នកផ្ទះ ហៅច្រើនដងមិនឆ្លើយ និងមិនឃើញចេញមកក្រៅ…
ខេត្តប៉ៃលិន ៖ ក្រោយពីឪពុកម្តាយបានហាមឃាត់មិនអោយនាង(កូនស្រី)ទៅអ៊ុតសក់ត្រង់ ព្រោះខ្លាចឆ្លងជំងឺកូវីដ១៩ ស្រាប់កូនស្រីអាយុ១៤ឆ្នាំម្នាក់នេះបានបញ្ចប់ជីវិតនៅក្នុងបន្ទប់ ដោយគ្មានអ្នកណាម្នាក់បានដឹងនោះទេ ។ លុះពេលអ្នកផ្ទះ ហៅច្រើនដងមិនឆ្លើយ និងមិនឃើញចេញមកក្រៅ ក៏ដើរចូលទៅមើលផ្អើលស្រែកយំតែម្តង ។ ហេតុការណ៍កើតឡើង កាលពីវេលាម៉ោង៥ល្ងាចថ្ងៃទី០៦ មេសា ២០២០ ស្ថិតនៅចំណុចមុខផ្លូវចូលទៅរមណីយដ្ឋានទឹកធ្លាក់ អូរតាវ៉ៅ ហៅភ្នំខៀវ ក្នុងភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ប្រភពឱ្យដឹងថា យុវតីរងគ្រោះអាយុ១៤ឆ្នាំ បច្ចប្បន្នជាសិស្ស មានទីលំនៅបច្ចុប្បន្នក្នុងភូមិខាងលើ ។ ប្រភពបន្តទៀតថា មុនពេលកើតហេតុក្មេងស្រីរូបនេះ បានដើរទៅជួបសុំម្តាយអ៊ុតសក់ត្រង់នៅឯផ្សារ ជាមួយមិត្តភក្តិ ។ គ្រាន់តែឮដូច្នេះ គាត់ស្រែកហាមប្រាម មិនឱ្យចេញដើរទៅក្រៅផ្ទះ ឬទៅផ្សារឡើយ ។ ដោយសារខ្លាចក្រែងឆ្លងជំងឺកូរ៉ូណា ឬកូវីដ១៩ ព្រោះពួកគាត់បានមើលហ្វេសបុក ឃើញស្ថានភាពនៅក្រៅ ឆ្លងរាលដាលឆាប់រហ័សពេក ។
គ្រាន់តែឪពុកម្តាយហាមប្រាមរួច នាងក៏មិននិយាយស្តីអ្វីនោះទេ ក៏ដើរចូលទៅសំងំក្នុងបន្ទប់ដេក ដោយលែងនិយាយស្តីអ្វីរកអ្នកណាទាំងអស់ ។ ស្រាប់តែល្ងាចថ្ងៃដដែល មិនឃើញនាងចេញពីក្នុងបន្ទប់ បើកទ្វារមើលក៏ភ្ញាក់ផ្អើលពេញភូមិតែម្តង ។
ចែករំលែកព័តមាននេះ