ប្រទេសអាមេរិក ៖ សត្វខ្លាឈ្មោះ Nadia ដែលបានធ្វើតេស្តវិជ្ជមានជំងឺកូវីដ១៩ នៅទីក្រុងញូវយ៉ក និងសត្វខ្លា៦ក្បាលផ្សេងទៀត ដែលមានរោគសញ្ញាក្អកស្ងួតនៅក្នុងសួនសត្វ Bronx ត្រូវបានគេឃើញថា…
ប្រទេសអាមេរិក ៖ សត្វខ្លាឈ្មោះ Nadia ដែលបានធ្វើតេស្តវិជ្ជមានជំងឺកូវីដ១៩ នៅទីក្រុងញូវយ៉ក និងសត្វខ្លា៦ក្បាលផ្សេងទៀត ដែលមានរោគសញ្ញាក្អកស្ងួតនៅក្នុងសួនសត្វ Bronx ត្រូវបានគេឃើញថា ធូរស្បើយជាច្រើន នៅថ្ងៃច័ន្ទ បន្ទាប់ពីបានប្រើថ្នាំ និងការសម្រាក។
លោក Paul Calle ប្រធានពេទ្យសត្វសម្រាប់សួនសត្វ Bronx នៃសមាគមអភិរក្សសត្វព្រៃ បាននិយាយនៅក្នុងការពិពណ៌នាប្រាប់រ៉យទ័រថា៖ «អ្នកថែរក្សាសត្វបានមើលថែពួកវា ជាមួយនឹងការប្រើប្រាស់ថ្នាំប្រឆាំងការរលាក»។
គេបានប្រើប្រាស់ថ្នាំផ្សះ (អង់ទីប្យូទិក) ទៅលើខ្លា និងតោខ្លះៗ នៅក្នុងចំណោមខ្លា៤ក្បាល និងតោ៣ក្បាល។ សត្វទាំងនេះ មានស្ថានភាពជំងឺស្រាល ហើយត្រូវរំពឹងថា នឹងជាក្នុងពេលឆាប់ៗនេះ។
នោះរួមបញ្ចូលទាំង Nadia អាយុ៤ឆ្នាំ ដែលជាសត្វខ្លាម៉ាឡេ។ វាបានឈប់ស៊ីចំណី ហើយត្រូវបានគេធ្វើតេស្តរកជំងឺកូវីដ១៩ លើវាតែមួយគត់។ នេះក៏ដោយសារតែគេមិនអាចចាក់ថ្នាំសន្លប់ទៅលើសត្វទាំងអស់ក្នុងសួនសត្វ។ សំណាកដែលបានមកពីច្រមុះ និងបំពង់ក និងវត្ថុរាវពីសួតរបស់ Nadia ត្រូវបានបញ្ជូនទៅសាលាពេទ្យសត្វនៅសាកលវិទ្យាល័យ Cornell និង សាកលវិទ្យាល័យ Illinois ដែលបានធ្វើតេស្តរកកូវីដ១៩។
លោក Calle បានប្រាប់អ្នកយកព័ត៌មានកាលពីថ្ងៃអាទិត្យថា Nadia គឺជាករណីដែលគេដឹងដំបូងបង្អស់នៃការឆ្លងមេរោគពីមនុស្សទៅលើសត្វ ហើយអាចធ្វើឱ្យសត្វឈឺបានដោយសារជំងឺកូវីដ១៩។
ប៉ុន្តែក្រុមមន្ត្រីជឿជាក់ថា នេះជាករណីប្លែក ព្រោះសត្វខ្លានេះបានធ្លាក់ខ្លួនឈឺ បន្ទាប់ពីប៉ះពាល់ជាមួយបុគ្គលិកសួនសត្វ ដែលគ្មានរោគសញ្ញាទាល់តែសោះ។ លោក Calle បាននិយាយថា សួនសត្វមិនបានដឹងថា បុគ្គលិកណាម្នាក់ បានចម្លងទៅឱ្យសត្វខ្លានេះទេ៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ