សម្តេចតេជោ ហ៊ុន សែន នៅថ្ងៃនេះបានថ្លែងថា ប្រទេសកម្ពុជានៅមានហានិភ័យខ្ពស់នៅឡើយ ចំពោះការរាលដាលនៃជំងឺកូវីដ១៩ ហើយអំពាវនាវប្រជាជនអោយបន្តការប្រុងប្រយ័ត្ន បើទោះបីជាស្ថានភាពកូវីដ១៩នៅកម្ពុជាប៉ុន្មានថ្ងៃកន្លងមកនេះ មានភាពល្អប្រសើរច្រើន ។
សម្តេចបានទាញការចាប់អារម្មណ៍ថា ស្ថានការណ៍កូវីដ១៩អាចនឹងអូសបន្លាយពេលវេលាយូរ ហើយទាមទារអោយមានការប្រយ័ត្ន ។
សម្តេចក៏បានមានប្រសាសន៍ផងដែរ ដែលកម្ពុជាត្រូវមានយុទ្ធសាស្ត្ររយៈពេលវែង ដើម្បីប្រយុទ្ឋនឹងជំងឺកូវីដ១៩ និងផលប៉ះពាល់របស់វា ។
មួយរយៈពេលប៉ុន្មានថ្ងៃចុងក្រោយនេះ ករណីជាសះស្បើយបានមានកាន់តែច្រើន ខណៈដែលចំនួន ករណីថ្មីមានតិចតួចបំផុត ឬគ្មានសោះថ្ងៃខ្លះ ។
នៅថ្ងៃនេះ ក្រសួងសុខាភិបាលបានប្រកាសថា មានអ្នកជាសះស្បើយចំនួនប្រាំនាក់ និងរកឃើញករណីថ្មីម្នាក់ ៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ