រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវដល់ប្រជាពលរដ្ឋទាំងអស់កុំសប្បាយភ្លេចខ្លួនឲ្យសោះ ព្រោះថា ហានិភ័យនៃការរីករាលដាលជំងឺកូវីដ១៩ នៅមាននៅពេលខាងមុខ ដោយសារបណ្តាប្រទេសលើសកលលោក…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវដល់ប្រជាពលរដ្ឋទាំងអស់កុំសប្បាយភ្លេចខ្លួនឲ្យសោះ ព្រោះថា ហានិភ័យនៃការរីករាលដាលជំងឺកូវីដ១៩ នៅមាននៅពេលខាងមុខ ដោយសារបណ្តាប្រទេសលើសកលលោក បានកំពុងរីករាលដាលខ្លាំង ។
សម្តេចតេជោ បានថ្លែងក្នុងសន្និសីទសារព័ត៌មាន នាព្រឹកថ្ងៃទី៧ ខែមេសាថា ប្រជាពលរដ្ឋមានការឆាប់ភ័យខ្លាច ហើយក៏បានឆាប់ភ្លេចផងដែរក្នុងការទប់ស្កាត់ជំងឺកូវីដ១៩ ។ ករណីនេះដោយសារប្រជាពលរដ្ឋឃើញអ្នកឆ្លងតិច ហើយពេលខ្លះអត់មាន បែរជាអ្នកជាសះស្បើយច្រើនទៅវិញ ។ សម្តេចបន្តថា ទោះបីជាកម្ពុជាមានចំនួនអ្នកឆ្លងជំងឺកូវីដ១៩ តិចជាងបណ្តាប្រទេសផ្សេងៗក្តី ដូចជា វៀតណាម ថៃ និងប្រទេសផ្សេងទៀត ប៉ុន្តែយើងមិនត្រូវសប្បាយរីករាយ ហើយភ្លេចខ្លួនក្នុងការទប់ស្កាត់ការឆ្លងជំងឺកូវីដ១៩ឲ្យសោះ ព្រោះវាមិនអាចវាយតម្លៃបាននោះទេ ។
សម្តេចពេលនេះ ប្រជាពលរដ្ឋទាំងអស់បានប្តូរឥរិយាបថពីការខ្លាចបែរមកធ្វើការប្រុងប្រយ័ត្នដោយធ្វើការអនាម័យជាមួយសាប៊ូ អាល់កុល ដើម្បីបង្ការ ទប់ស្កាត់ជំងឺនេះផងដែរ ។ ជាងនេះពលករដែលមកពីប្រទេសថៃប្រមាណ៦ម៉ឺននាក់ មិនទាន់ឃើញមានអ្នកណាឆ្លងជំងឺកូវីដ១៩នេះដោយសារតែគេបានសហការជាដោយរក្សា នៅក្នុងផ្ទះរយៈពេល១៤ថ្ងៃ ។
ជាមួយគ្នានោះដែរ សម្តេចតេជោក៏បានឲ្យដឹងថា រហូតមកដល់ពេលនេះមានអ្នកជាមន្ត្រីរាជការធំៗដែលចូលរួមបរិច្ចាគថវិការផ្ទាល់ខ្លួន១៥៨៦នាក់ ។ ប្រាក់ដែលនៅក្នុងដៃលោករដ្ឋមន្ត្រីក្រសួងសុខាភិបាលមានប្រមាណជាង១១លានដុល្លារ និងមានប្រាក់ចូលជាបន្តបន្ទាប់ ។ សម្តេចក៏បានលើកឡើងថា ថវិកាមិនសំខាន់នោះទេ ប៉ុន្តែទឹកចិត្តចូលរួមជារឿងសំខាន់ ៕
ចែករំលែកព័តមាននេះ