កូវីដ១៩ ប្រល័យជីវិតកំពូលអ្នកឌីហ្សាញស្បែកជើងនៅអុីតាលី
ប្រទេសអ៊ីតាលី ៖ អ្នករចនាម៉ូដស្បែកជើងស្ត្រី ដែលមានកេរ្តិ៍ឈ្មោះ Sergio Rossi បានទទួលមរណភាពដោយសារជំងឺកូវីដ១៩ នៅអាយុ៨៤ឆ្នាំ នេះបើយោងតាមមន្ទីរពេទ្យ Maurizio…
ប្រទេសអ៊ីតាលី ៖ អ្នករចនាម៉ូដស្បែកជើងស្ត្រី ដែលមានកេរ្តិ៍ឈ្មោះ Sergio Rossi បានទទួលមរណភាពដោយសារជំងឺកូវីដ១៩ នៅអាយុ៨៤ឆ្នាំ នេះបើយោងតាមមន្ទីរពេទ្យ Maurizio…
ប្រទេសអ៊ីតាលី ៖ អ្នករចនាម៉ូដស្បែកជើងស្ត្រី ដែលមានកេរ្តិ៍ឈ្មោះ Sergio Rossi បានទទួលមរណភាពដោយសារជំងឺកូវីដ១៩ នៅអាយុ៨៤ឆ្នាំ នេះបើយោងតាមមន្ទីរពេទ្យ Maurizio Bufalini នៅ Cesena ភាគខាងជើងនៃប្រទេសអ៊ីតាលី។
ប្រភពពីមន្ទីរពេទ្យដែលមានទីតាំងនៅតំបន់ Emilia-Romagna ប្រទេសអ៊ីតាលី បានបញ្ជាក់ថា មរណភាពរបស់ Rossi កាលពីថ្ងៃសៅរ៍។ ប៉ុន្តែគេមិនបានបង្ហាញព័ត៌មានលំអិតណាមួយទាក់ទងនឹងការស្នាក់នៅរបស់ Rossi នៅមន្ទីរពេទ្យវេជ្ជសាស្ត្ររបស់គាត់ ហើយក៏មិនមានកាលបរិច្ឆេទពិតប្រាកដនៃពេលវេលានៃការបាត់បង់ជីវិតរបស់គាត់ឡើយ។
មនុស្សជាង ១៤៦០០នាក់ បានបាត់បង់ជីវិតដោយសារជំងឺកូវីដ១៩ នៅប្រទេសអ៊ីតាលី នេះបើយោងតាមតួលេខពីសាកលវិទ្យាល័យ Johns Hopkins ដែលជាចំនួនអ្នកបាត់បង់ជីវិតខ្ពស់បំផុតសម្រាប់ប្រទេសណាមួយ។ ប្រទេសអ៊ីតាលី ដែលមានរយៈពេលបួនសប្តាហ៍ក្នុងការចាក់សោទូទាំងប្រទេសដែលជាផ្នែកមួយនៃការប៉ុនប៉ងទប់ស្កាត់ការរីករាលដាលនៃជំងឺ បានបញ្ជាក់ថា មានករណីឆ្លងវីរុសនេះជិត ១២០០០០ករណី។
លោក Rossi ល្បីឈ្មោះ ជាអ្នកច្នៃម៉ូដស្បែកជើងដែលត្រូវបានគេពេញនិយមក្នុងចំណោមតារាម៉ូដែលលំដាប់ខ្ពស់ៗជាច្រើន រួមទាំង Adriana Lima, Rihanna, Ariana Grande និង Taylor Swift ។
នៅក្នុងសេចក្តីថ្លែងការណ៍មួយដែលបានចេញទៅកាន់គណនី Instagram ផ្លូវការរបស់ Rossi គឺលោក Riccardo Sciutto នាយកប្រតិបត្តិក្រុមហ៊ុន Sergio Rossi Group បានចូលគោរពបូជាដល់ Rossi ។ លោក Sciutto បាននិយាយថា៖ «Sergio Rossi គឺជាមេល្អ ហើយវាពិតជាកិត្តិយសរបស់ខ្ញុំណាស់ដែលបានជួបគាត់ ហើយបានប្រគល់ប័ណ្ណសារដល់គាត់នៅដើមឆ្នាំនេះ។ ចក្ខុវិស័យនិងវិធីសាស្ត្ររបស់គាត់នឹងនៅតែជាមគ្គុទេសក៍របស់យើងនៅក្នុងការរីកចម្រើននៃម៉ាក និងអាជីវកម្ម»។
គួរបញ្ជាក់ផងដែរថា នៅក្នុងខែមីនា ក្រុមហ៊ុនរបស់លោក បានប្រកាសនៅលើបណ្តាញសង្គម Instagram ថា ខ្លួននឹងបរិច្ចាគថវិកាចំនួន ១០០០០០ អឺរ៉ូ (១០៨០០០ដុល្លារ) ដើម្បីផ្តល់ហិរញ្ញប្បទានដល់ការប្រយុទ្ធប្រឆាំងនឹងវីរុសនេះ នឹងធ្វើការលក់ជូនអតិថិជនតាមតែអនឡាញប៉ុណ្ណោះ៕ ដកស្រង់ចេញពីវេបសាយ ៖ edition (កែសម្រួលដោយ ៖ បុប្ផា)
ចែករំលែកព័តមាននេះ