រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ខណៈពេលដែលជំងឺកូវីដ១៩ កំពុងតែផ្ទុះនៅក្នុងប្រទេសនោះ លោកប្រាជ្ញ សីហា អភិបាលរងខណ្ឌឫស្សីកែវ បានផ្តល់ប្រាក់ចំនួន ៥៦០០០០ រៀលក្នុងមួយខែ ដែលប្រាក់នោះ ជាប្រាក់បៀវត្សរបស់លោកជាអភិបាលរងដែលបានសម្រេចបរិច្ចាគចំនួន៦ខែ គឺចាប់ពីខែមេសា រហូតដល់ខែកញ្ញា ឆ្នាំ២០២០ ជូនដល់គណៈកម្មាធិការជាតិប្រយុទ្ធប្រឆាំងនឹងជំងឺកូវីដ១៩ ដើម្បីជាការចូលរួមជាមួយរាជរដ្ឋាភិបាលក្នុងការប្រយុទ្ធនឹងជំងឺដ៏សាហាវនេះដែលកំពុងរាលដាលនៅប្រទេសកម្ពុជា ។
បើតាមលោក ប្រាជ្ញ សីហា អភិបាលរងខណ្ឌឫស្សីកែវ បានថ្លែងឱ្យដឹងថា បើសិនជា៦ខែទៅមុខទៀត ស្ថានភាពជំងឺនេះនៅតែរាតត្បាតលើប្រជាពលរដ្ឋតទៅទៀតនោះ លោកនឹងបន្តកាត់ប្រាក់ខែជួយដល់គណៈកម្មាការជាតិបន្តទៀត ។ (កែសម្រួលដោយ ៖ បុប្ផា)
ចែករំលែកព័តមាននេះ