ខេត្តបាត់ដំបង ៖ ឈើសុក្រំជាង១៧០ដុំដែលស្មើនឹង១២,៦៣៩ម៉ែត្រគូប ត្រូវបានមន្ត្រីព្រៃឈើនិងកម្លាំងកងរាជអាវុធហត្ថស្រុកសំឡូតរកឃើញនៅក្នុងដីឡូត៍មួយកន្លែង នៅក្នុងភូមិកញ្ចាំង ឃុំស៊ុង ហើយបានធ្វើកំណត់ហេតុរឹបអូសឈើទាំងអស់នោះ នៅវេលាម៉ោង១១និង៣០នាទីថ្ងៃត្រង់ថ្ងៃទី០៣ មេសា តែគេមិនបាននិយាយពីឈ្មោះម្ចាស់ឈើ…
ខេត្តបាត់ដំបង ៖ ឈើសុក្រំជាង១៧០ដុំដែលស្មើនឹង១២,៦៣៩ម៉ែត្រគូប ត្រូវបានមន្ត្រីព្រៃឈើនិងកម្លាំងកងរាជអាវុធហត្ថស្រុកសំឡូតរកឃើញនៅក្នុងដីឡូត៍មួយកន្លែង នៅក្នុងភូមិកញ្ចាំង ឃុំស៊ុង ហើយបានធ្វើកំណត់ហេតុរឹបអូសឈើទាំងអស់នោះ នៅវេលាម៉ោង១១និង៣០នាទីថ្ងៃត្រង់ថ្ងៃទី០៣ មេសា តែគេមិនបាននិយាយពីឈ្មោះម្ចាស់ឈើ ឬឈ្មោះម្ចាស់ដីឡូត៍ ដែលជាទីតាំងស្ដុកឈើល្មើសច្បាប់នោះទេ ។
ប្រភពពីសមត្ថកិច្ចបានឱ្យដឹងថា ឈើសុក្រំដែលត្រូវបានរឹបអូសទាំងនោះ មានចំនួន១៧២ដុំស្មើនឹង១២,៦៣៩ម៉ែត្រគូប។ ឈើនេះ ត្រូវបានឈ្មូញទុច្ចរិតប្រចាំស្រុកសំឡូត ដឹកជញ្ជូនចេញពីព្រៃក្នុងតំបន់ដែនជម្រកសត្វព្រៃ ដោយលួចលាក់យកមកស្ដុកទុកនៅក្នុងដីឡូត៍ក្នុងភូមិ-ឃុំខាងលើ ដើម្បីរកឱកាសដឹកចេញទៅកាន់ទីផ្សារ តែត្រូវបានមន្ត្រីព្រៃឈើ និងមន្ត្រីកងរាជអាវុធហត្ថចុះបង្ក្រាបបានទាន់ពេលវេលា ។
ពាក់ព័ន្ធនឹងការបង្ក្រាប និងរឹបអូសបទល្មើសព្រៃឈើនេះ មន្ត្រីជំនាញមិនបានទម្លាយឱ្យដឹងពីឈ្មោះម្ចាស់ឈើឬឈ្មោះម្ចាស់ដីឡូត៍ ដែលជាទីតាំងលាក់ទុកវត្ថុតាងបទល្មើសនេះទេ។ បើតាមប្រភពបានបង្ហើបឱ្យដឹងថា គេស្គាល់អត្តសញ្ញាណម្ចាស់ទីតាំងលាក់វត្ថុតាងបទល្មើសនេះ តែគេព្យាយាមបិទបាំង...។
យ៉ាងណាក៏ដោយ វត្ថុតាងដែលបានរឹបអូស ត្រូវបានមន្ត្រីព្រៃឈើដឹកយកទៅរក្សាទុកហើយ ។
ចែករំលែកព័តមាននេះ