រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបញ្ជាក់ថា ពេលវេលានេះ គឺជាកាលៈទេសៈដែលមន្ត្រីរាជរដ្ឋាភិបាលធ្វើការបរិច្ចាគថវិកាផ្ទាល់ខ្លួន ដោយស្ម័គ្រចិត្តគ្មានបង្ខំ ដើម្បីប្រយុទ្ធប្រឆាំងនឹងជំងឺកូវីដ១៩ និងធ្វើដើម្បីប្រជាពលរដ្ឋ…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបញ្ជាក់ថា ពេលវេលានេះ គឺជាកាលៈទេសៈដែលមន្ត្រីរាជរដ្ឋាភិបាលធ្វើការបរិច្ចាគថវិកាផ្ទាល់ខ្លួន ដោយស្ម័គ្រចិត្តគ្មានបង្ខំ ដើម្បីប្រយុទ្ធប្រឆាំងនឹងជំងឺកូវីដ១៩ និងធ្វើដើម្បីប្រជាពលរដ្ឋ ។
យោងតាមសំឡេងរបស់សម្តេចតេជោហ៊ុន សែន នាយករដ្ឋមន្ត្រីចេញផ្សាយតាមប្រព័ន្ធតេឡេក្រាម នៅថ្ងៃទី២ ខែមេសា បានបញ្ជាក់ថា យ៉ាងដូច្នេះថា ៖«ខ្ញុំសូមគណៈអចិន្ត្រៃយ៍ក៏ដូចជា សមាជិករាជរដ្ឋាភិបាល ក៏ដូចជា ថ្នាក់ដឹកនាំនៅតាមស្ថាប័ន ហើយថ្នាក់ខេត្ត និងថ្នាក់ផ្សេងៗ ដែលមានការពារព័ន្ធនៅពេលប្រយុទ្ធជំងឺកូវីដ១៩នេះ រាជរដ្ឋាភិបាលមិនមែនខ្វះលុយទេ ប៉ុន្តែទឹកចិត្តរបស់ប្រជាជនយើងមានការចូលរួមខ្លាំងណាស់ រហូតដល់ពេលនេះលុយជាង១១លានដុល្លារ ត្រូវបានបញ្ជូលជាបន្តបន្ទាប់តាមតិចតាមច្រើន» ។
សម្តេចបន្តថា បន្ទាប់ពីសម្តេចប្រកាសយកប្រាក់បៀវត្សន៍របស់ខ្លួន ចំនួន៧ខែ សម្រាប់ចូលទៅក្នុងការប្រយុទ្ធប្រឆាំងកូវីដ១៩ ឃើញមន្ត្រីរាជរដ្ឋាភិបាលធ្វើមានឧបកនាយករដ្ឋមន្ត្រី រដ្ឋមន្ត្រីទៅ ។ ខ្ញុំយល់ថាការងារនេះមិនមែនជា ការចាប់បង្ខំនោះទេ ក៏ប៉ុន្តែវាបង្ហាញពីកាយវិការនៃការចូលរួមប្រយុទ្ធប្រឆាំងមិនមែនគ្រាន់តែចូលរួមនឹងមាត់នោះទេ គឺមានថវិកាផ្ទាល់ខ្លួនថែមទៀត ។ ចំណុចនេះបានធ្វើឲ្យមានជំនឿចិត្តដល់ប្រជាពលរដ្ឋ ហើយបង្កើននូវជំនឿទុកចិត្តនូវក្រុមគ្រួពេទ្យដែលចុះជួយព្យាបាលអ្នកជំងឺ តាមការរំលែកថវិកា ផ្ទាល់ខ្លួននេះ ។
សម្តេចក៏បានគូសបញ្ជាក់ថា ៖«មន្ត្រីនីមួយៗ មានលទ្ធភាពមិនដូចគ្នានោះទេ អីញ្ចឹងមន្ត្រីខ្លះមានលទ្ធភាពអាចបរិច្ចាគបានរាប់ខែទាំងស្រុង តែមន្ត្រីខ្លះទៀតអាចលទ្ធភាព២០% ឬ៣០% ឬ ៤០% ឬ៥០% ទៅតាមលទ្ធភាពដែលខ្លួនអាចធ្វើទៅបាន ។ អីញ្ចឹងខ្ញុំស្នើថា ខាងរាជរដ្ឋាភិបាលនៅក្នុងក្រសួងស្ថាប័នធ្វើការចលនាទៅរដ្ឋលេខាធិការ អនុរដ្ឋលេខាធិការធ្វើការបរិច្ចាគទៅតាមការស្ម័គ្រចិត្ត ។ អ្នកខ្លះប្រាក់ប៉ុណ្ណឹង មិនមានបញ្ហាសម្រាប់គាត់ទេ ប៉ុន្តែអ្នកខ្លះមានប្រាប់សម្រាប់ តែសម្រាប់បង្គ្រប់តែក៏មានលទ្ធផលភាពអាចជួយខ្លះបានដែរ ។ ចំណែកមន្ត្រីរដ្ឋសភា ព្រឹទ្ធសភា ក៏អាចធ្វើការបរិច្ចាកបានដែរម្នាក់ៗ ខាងផ្នែកកងទ័ព នគបាល ក៏អាចធ្វើបានប៉ុន្តែសូមកុំចាប់បង្ខំ» ។
សម្តេចក៏បានលើកឡើងថា អ្នកស្ម័គ្រចិត្តបរិក្ខាថវិកាផ្ទាល់ខ្លួននោះ ត្រូវតែសរសេលិខិតទៅលោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការជាតិ ប្រឆាំងនឹងជំងឺ កូវីដ១៩ថា ខ្លួនបរិច្ចាគប្រាក់ប៉ុន្មានខែ ឬប៉ុន្មានភាគរយក្នុងមួយខែ ហើយ រយៈពេលប៉ុន្មានខែ ។ គេចម្លងទៅក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈ ដើម្បីគេធ្វើការចាត់ចែងប្រាក់ទាំងនេះ ។ សម្តេចក៏បានលើកឡើងសម្រាប់សម្តេចប្រាក់ខែមួយខែប្រមាណ១០លានរៀល អីញ្ចឹងកាត់ពន្ធនៅដល់៩លាន ៩ម៉ឺនរៀលទេ ក្នុងមួយខែ ៕
ចែករំលែកព័តមាននេះ