យោងតាមទិន្នន័យផ្លូវការរបស់សារព័ត៌មានរ៉យទ័រ (Reuters) បានឱ្យដឹងថា ករណីឆ្លងជំងឺកូវីដ១៩ ទូទាំងពិភពលោក បានកើនឡើងផុត១លាននាក់ កាលពីថ្ងៃព្រហស្បតិ៍ ដោយមានមនុស្សបាត់បង់ជីវិតជាង ៥២០០០នាក់ ខណៈដែលជំងឺរាតត្បាតបានផ្ទុះឡើងនៅសហរដ្ឋអាមេរិក និងចំនួនអ្នកបាត់បង់ជីវិតបានកើនឡើងនៅក្នុងប្រទេសអេស្ប៉ាញ និងអ៊ីតាលី។
ប្រទេសអ៊ីតាលី មានអ្នកបាត់បង់ជីវិតច្រើនជាងគេ គឺច្រើនជាង ១៣៩០០នាក់ បន្ទាប់មកគឺប្រទេសអេស្ប៉ាញ។ ទិន្នន័យបានបង្ហាញថា សហរដ្ឋអាមេរិកមានករណីកើតជំងឺច្រើនជាងគេបំផុតនៅលើពិភពលោក ដែលមានច្រើនជាង ២៤០០០០ករណី។
ចាប់តាំងពីវីរុសនេះ ត្រូវបានកត់ត្រាជាលើកដំបូងនៅក្នុងប្រទេសចិនកាលពីចុងឆ្នាំមុន ជំងឺកូវីដ១៩ បានរាលដាលពាសពេញពិភពលោក ដែលជម្រុញឱ្យរដ្ឋាភិបាលបិទអាជីវកម្មក្រុមហ៊ុនអាកាសចរណ៍ក្នុងស្រុក និងបញ្ជាមនុស្សរាប់រយលាននាក់ឱ្យស្នាក់នៅផ្ទះដើម្បីព្យាយាមបន្ថយការឆ្លងរាលដាល។
ក្នុងចំណោមជំហានដែលមិនធ្លាប់មានពីមុនរបស់រដ្ឋាភិបាលក្នុងការជម្រុញសេដ្ឋកិច្ច ដែលត្រូវបានបំផ្លាញដោយការផ្ទុះឡើងនោះ ការទាមទារគ្មានការងារធ្វើប្រចាំសប្តាហ៍របស់សហរដ្ឋអាមេរិកបានកើនឡើងដល់ចំនួន ៦.៦លានដង ដែលជាចំនួនកើនឡើងទ្វេដងបើប្រៀបធៀបទៅនឹងសប្តាហ៍មុន៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ