រដ្ឋមន្ត្រីការបរទេសអេហ្ស៊ីប លោកណាប៊ីល អឺឡារ៉ាប៊ី ដែលកំពុងបំពេញទស្សនកិច្ចនៅក្រុងខាទុម ជាទស្សនកិច្ចនៅក្រៅប្រទេសលើកដំបូង របស់ប្រមុខការទូតអេហ្ស៊ីបចាប់តាំងពីការផ្តួលរំលំប្រធានាធិបតីលោកហូស្នី មូបារ៉ាក់ កាលពី ថ្ងៃទី១១ កុម្ភៈ មក ថ្លែងកាលពីថ្ងៃទី២៧ មីនា ថា អេហ្ស៊ីបនឹងទទួលស្គាល់ស៊ូដង់ខាងត្បូងជារដ្ឋឯករាជ្យមួយ ។ លោកអឺឡារ៉ាប៊ី ដែលទៅកាន់ទីក្រុងជូបា (ស៊ូដង់ខាងត្បូង) នាថ្ងៃទី២៨ មីនា នោះថ្លែងថា ប្រទេសស៊ូដង់មានចេតនាធ្វើជាប្រទេសដំបូងគេទទួលស្គាល់ស៊ូដង់ខាងត្បូងជារដ្ឋឯករាជ្យ ហើយអេហ្ស៊ីបចង់ធ្វើជាប្រទេសទី២ ទទួលស្គាល់រដ្ឋថ្មីនេះ ។
ក្រោយពីបោះប្រជាមតិគាំទ្រការបំបែកខ្លួនចេញពីស៊ូដង់ កាលពីខែមករាមក ពលរដ្ឋស៊ូដង់ខាងត្បូងត្រូវប្រកាសឯករាជ្យនាថ្ងៃទី៩ កក្កដា ខាងមុខនេះ ៕
ចែករំលែកព័តមាននេះ