ប្រទេសអុីតាលី ៖ សារព័ត៌មាន CNN បានរាយការណ៍ថា បុរសជនជាតិអុីតាលី អាយុ១០១ឆ្នាំបានជាសះស្បើយពីជម្ងឺកូវីដ១៩ ហើយអភិបាលក្រុងនៃទីក្រុងរបស់គាត់បាននិយាយថា រឿងនេះផ្តល់នូវក្តីសង្ឃឹមសម្រាប់អនាគត។
លោក Gloria Lisi បានប្រាប់អ្នកយកព័ត៌មានថា បុរសដែលត្រូវបានគេស្គាល់ថា មានឈ្មោះ P បានជាសះស្បើយក្នុងករណីដ៏កម្រមួយ។ សារព័ត៌មាន CNN បានរាយការណ៍ថា៖ «លោកតាបានជាពីជម្ងឺនេះដោយជោគជ័យ ហើយក្រុមគ្រួសារបាននាំគាត់ទៅផ្ទះវិញ កាលពីល្ងាចម្សិលមិញ។ នេះគឺបានបង្ហាញថា មិនត្រូវអស់សង្ឃឹមទេ»។
តាមប្រភពដដែលបានឱ្យដឹងថា ជីវិតរបស់លោកតាធ្លាប់ឆ្លងកាត់ការផ្ទុះជម្ងឺផ្តាសាយនៅអេស្ប៉ាញ ដែលបានសម្លាប់ជីវិតមនុស្សអស់ពីចន្លោះ ៣០លានទៅ៥០លាននាក់ នៅជុំវិញពិភពលោក។
មនុស្សជាង ៨០០០នាក់នៃអ្នកស្លាប់បានស្ថិតនៅក្នុងប្រទេសអុីតាលី ដែលបានក្លាយជាចំណុចកណ្តាលនៃជំងឺរាតត្បាត។ ខណៈពេលដែលមានករណីនៃការឆ្លងជម្ងឺកូវីដ១៩ លើមនុស្សវ័យជំទង់ ការឆ្លងមកលើមនុស្សចាស់គឺធ្វើឱ្យករណីនេះមានភាពធ្ងន់ធ្ងរនិងមានផលវិបាកច្រើន ៕ (យោងតាមប្រភពពី www.insider.com )
ចែករំលែកព័តមាននេះ