ការវាយប្រហាររបស់កូវីដ១៩ ទៅលើសួតរបស់អ្នកជំងឺ នឹងនាំអោយស្ថានភាពជំងឺមានភាពធ្ងន់ធ្ងរ ហើយអាចនាំដល់ការបាត់បង់ជីវិត។ តើកូវីដ១៩ វាយប្រហារសួត និងសម្លាប់មនុស្សយ៉ាងដូចម្តេច? នៅក្នុងដំណាក់កាលគ្មានរោគសញ្ញា ឬមានរោគសញ្ញាកម្រិតស្រាល មេរោគកូវីដ១៩…
ការវាយប្រហាររបស់កូវីដ១៩ ទៅលើសួតរបស់អ្នកជំងឺ នឹងនាំអោយស្ថានភាពជំងឺមានភាពធ្ងន់ធ្ងរ ហើយអាចនាំដល់ការបាត់បង់ជីវិត។ តើកូវីដ១៩ វាយប្រហារសួត និងសម្លាប់មនុស្សយ៉ាងដូចម្តេច?
នៅក្នុងដំណាក់កាលគ្មានរោគសញ្ញា ឬមានរោគសញ្ញាកម្រិតស្រាល មេរោគកូវីដ១៩ មិនទាន់វាយលុកចូលដល់សួតនៅឡើយទេ។ ដូច្នេះអ្នកជំងឺនៅក្នុងដំណាក់កាលនេះភាគច្រើន មានលទ្ធផលល្អ ហើយអាចនឹងជាសះស្បើយ។
ការក្តៅខ្លួន និងការក្អក ត្រូវបានអ្នកជំនាញវេជ្ជសាស្ត្រលោកសាស្ត្រាចារ្យវេជ្ជបណ្ឌិត ចន វីលសុន ( John Wilson) នៅអូស្ត្រាលី យល់ថា វាបណ្តាលមកពីមេរោគកូវីដ១៩ វាយប្រហារទៅលើ ប្រព័ន្ធដង្ហើម ផ្នែកខាងលើដោយសារមានការលាក។
ប៉ុន្តែនៅពេលការរលាកកាន់តែធ្ងន់ធ្ងរ វានឹងវាយប្រហារដល់សាច់សួត និងថង់សួតដោយនាំអោយមានជំងឺរលាកសួតដែលភាសាអង់គ្លេស ហៅថា pneumonia។
លោកពន្យល់ថា នៅពេលដែលសួតមានការរលាក វានឹងមិនមានសមត្ថភាពគ្រប់គ្រាន់នៅ ក្នុងការនាំខ្យល់ អុ៊កស៊ីសែនទៅកាន់ចរន្តឈាម ហើយរាងកាយក៏ទទួលអ៊ុកស៊ីសែនមិនគ្រន់គ្រាន់ហើយរាងកាយមិនអាចកំចាត់ចោលកាបូនឌីអុកស៊ីត។
លោកសាស្ត្រាចារ្យនិយាយថា «នេះគឺជាមូលហេតុនាមអោយមនុស្សស្លាប់ដោយសាររលាកសួតធ្ងន់ធ្ងរ»។
កម្ពុជាបានរកឃើញអ្នកផ្ទុកមេរោគកូវីដ១៩ចំនួន១០៣នាក់ ក្នុងចំណោមនោះមានមនុស្សចំនួនន១១នាក់ បានជាសះស្បើយ។
រហូតមកទល់ពេលនេះ កម្ពុជាមិនទាន់មានអ្នកស្លាប់ដោយសារមេរោគកូវីដ១៩ទេ៕ (កែសម្រួលដោយ ៖ បុប្ផា)
ចែករំលែកព័តមាននេះ