ឆ្នាំ១៦៤៣
-ល្វីសទី១៤ ដែលមានព្រះជន្ម៤ព្រះវស្សា បានក្លាយជាស្ដេចនៃប្រទេសបារាំង បន្ទាប់ពីព្រះបិតារបស់ព្រះអង្គព្រះនាមល្វីសទី១៣ សោយទិវង្គត ។
ឆ្នាំ១៨១១
-ប្រទេសប៉ារ៉ាហ្កាយបានទទួលឯករាជ្យចេញពីប្រទេសអេស្ប៉ាញ ។
ឆ្នាំ១៨៧៩
-ក្រុមទី១នៃពួកទាសករមកពីប្រទេសឥណ្ឌា បានមកដល់ប្រទេសហ្វីជី ។
ឆ្នាំ១៩៣៥
-ប្រទេសហ្វ៉ីលីពីនបានអនុម័តយកកិច្ចព្រមព្រៀងទទួលឯករាជ្យភាពពីអាមេរិក ។
ឆ្នាំ១៩៣៩
-កុមារីលីណាមេឌីណា បានក្លាយជាម្ដាយដ៏ក្មេងបំផុតក្នុងពិភពលោក គឺក្នុងអាយុ៥ឆ្នាំជាប់ក្នុងប្រវត្ដិសាស្ដ្រវេជ្ជសាស្ដ្រ ។ នាងរស់នៅប្រទេសប៉េរូ ។
ឆ្នាំ១៩៤០
-ទីក្រុងរ៉ូធើរដាមរបស់ប្រទេសហុល្លង់ បានទទួលរងការទំលាក់គ្រាប់បែកពីកង
ទ័ពអាកាសប្រទេសអាល្លឺម៉ង់ ។
-ប្រទេសហុល្លង់ប្រកាសចុះចាញ់ប្រទេសអាល្លឺម៉ង់ ក្នុងសង្គ្រាមលោកលើកទី២ ។
-យន្ដហោះចម្បាំង Yermolayev Yer-2 របស់សហភាពសូវៀតបានធ្វើការហោះហើរជាលើកទី១របស់ខ្លួន ។ នេះជាប្រភេទយន្ដហោះទំលាក់គ្រាប់បែករយៈចំងាយឆ្ងាយដែលមានគ្រាប់បែកធុនកណ្ដាល ។
ឆ្នាំ១៩៤៣
-កងនាវាមុជទឹកជប៉ុនបានបាញ់ពន្លិច នាវារបស់ប្រទេសអាល្លឺម៉ង់ AHS Centauv នៅក្នុងសមុទ្រគ្វីនឡេន ។
ឆ្នាំ១៩៤៨
-អ៊ីស្រាអែលបានប្រកាសជារដ្ឋឯករាជ្យនិងបង្កើតរដ្ឋាភិបាល ។
ឆ្នាំ១៩៥៥
-ក្នុងសង្គ្រាមត្រជាក់ប្រទេសប្លុកកុម្មុយ នីស្ដទាំង៨បានចុះហត្ថលេខាលើសន្ធិសញាទីក្រុងវ៉ាសូវី ក្នុងប្រទេសប៉ូឡូញ រួមជាមួយសហភាពសូវៀតដើម្បីការពារប្រទេសកុម្មុ នីស្ដទាំងនោះទៅវិញទៅមក ។
ឆ្នាំ១៩៦៣
-ប្រទេសគុយវ៉ែត បានចូលជាសមាជិកអង្គការសហប្រជាជាតិ ។
ឆ្នាំ១៩៧៣
-ស្ថានីយអវកាសទី១របស់សហរដ្ឋអាមេរិកត្រូវបានបាញ់បង្ហោះ ។
ឆ្នាំ២០០៤
-តុលាការធម្មនុញរបស់ប្រទេសកូរ៉េខាងត្បូង បានលុបចោលការដកតំណែងប្រធានាធិបតីទី១៦ របស់ប្រទេសគឺលោករ៉ូមូយុន ។
ឆ្នាំ២០០៨
-ចំនួនមនុស្សស្លាប់ក្នុងគ្រោះរញ្ជួយដីនៅខេត្ដស៊ីឈួន កើនឡើងដល់១៥.០០០នាក់។
ឆ្នាំ២០០៩
-កូរ៉េខាងជើងបានប្រកាសថា អ្នកកាសែតអាមេរិកពីរនាក់ដែលត្រូវបានចាប់ខ្លួន គឺឈ្មោះអឺណាលី និងនាងឡូរ៉ាលីងនឹងត្រូវនាំយកមកកាត់ក្ដីនៅថ្ងៃទី៤ មិថុនា ៕
ចែករំលែកព័តមាននេះ