ចិនចេញមុខជួយអង់គ្លេស ក្នុងការប្រឆាំងនឹងកូវីដ១៩
- ភ្នំពេញ
ចិន ៖ ប្រធានាធិបតីចិន លោក ស៊ីជីនពីង (Xi Jinping) និង នាយករដ្ឋមន្ត្រីអង់គ្លេស លោក…
ចិន ៖ ប្រធានាធិបតីចិន លោក ស៊ីជីនពីង (Xi Jinping) និង នាយករដ្ឋមន្ត្រីអង់គ្លេស លោក បូរ៊ីស ចនសុន (Boris Johnson) បាននិយាយតាមទូរស័ព្ទ និងសម្តែងការគាំទ្រចំពោះតួនាទីរបស់អង្គការសុខភាពពិភពលោក (WHO) ក្នុងការប្រយុទ្ធជាសកលប្រឆាំងនឹងរោគរាតត្បាតកូវីដ១៩។
ក្នុងនាមរដ្ឋាភិបាលនិងប្រជាជនចិន លោកស៊ី បានសំដែងការអាណិតអាសូរដោយស្មោះត្រង់ចំពោះរដ្ឋាភិបាលអង់គ្លេស និងប្រជាជនជុំវិញការប្រយុទ្ធប្រឆាំងនឹងជំងឺនេះ។ តាមការស្នើសុំគាត់បានណែនាំអំពីវិធានការណ៍បង្ការ និងទប់ស្កាត់ការរាតត្បាតរបស់ប្រទេសចិន។
លោកស៊ី បានសង្កត់ធ្ងន់ថា ប្រទេសចិនសង្ឃឹមថា ចក្រភពអង់គ្លេសនឹងបង្កើនការសម្របសម្រួលជាមួយប្រទេសចិន ដើម្បីកាត់បន្ថយហានិភ័យនៃការរីករាលដាលនៃជំងឺនេះ ខណៈពេលដែលធានាបាននូវលំហូរប្រជាជន និងពាណិជ្ជកម្មដែលចាំបាច់។
លោកស៊ី បានមានប្រសាសន៍ថា ប្រទេសចិនបានត្រៀមខ្លួនជាស្រេច ដើម្បីផ្តល់ការគាំទ្រ និងជំនួយសម្រាប់ចក្រភពអង់គ្លេស។ លោកបានបន្ថែមថា លោកមានទំនុកចិត្តថា ចក្រភពអង់គ្លេសប្រាកដជានឹងឈ្នះលើជំងឺរាតត្បាតក្រោមការដឹកនាំរបស់ចនសុន។ លោកស៊ី បានចង្អុលបង្ហាញថា វីរុសមិនដឹងពីព្រំដែនជាតិ ឬពូជសាសន៍ទេ ហើយមានតែតាមរយៈការធ្វើការជាមួយគ្នាទេ ទើបមនុស្សជាតិអាចឈ្នះការប្រយុទ្ធប្រឆាំងនឹងពួកគេបាន។
លោកស៊ីបាននិយាយថា លោកជឿជាក់ថា បន្ទាប់ពីបានផ្តួលកូវីដ១៩ ប្រទេសចិន និងអង់គ្លេសនឹងមានការយល់ដឹងកាន់តែស៊ីជម្រៅ និងការមូលមតិគ្នាកាន់តែទូលំទូលាយ ក៏ដូចជាទស្សនវិស័យទូលំទូលាយសម្រាប់កិច្ចសហប្រតិបត្តិការទ្វេភាគី៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ