អគ្គិភ័យលេបត្របាក់ផ្ទះ២ខ្នងនៅស្រុកបារាយណ៍
ខេត្តកំពង់ធំ ៖ ផ្ទះ២ខ្នងស្ថិតនៅភូមិព្រៃតាត្រាវ ឃុំបល្ល័ង្គ ស្រុកបារាយណ៏ ត្រូវអគ្គិភ័យលេបត្របាក់អស់ទាំងស្រុងកាលពីវេលាម៉ោង១០ និង៥៥នាទីព្រឹក ថ្ងៃទី២៤ កញ្ញា ២០១៤។
ខេត្តកំពង់ធំ ៖ ផ្ទះ២ខ្នងស្ថិតនៅភូមិព្រៃតាត្រាវ ឃុំបល្ល័ង្គ ស្រុកបារាយណ៏ ត្រូវអគ្គិភ័យលេបត្របាក់អស់ទាំងស្រុងកាលពីវេលាម៉ោង១០ និង៥៥នាទីព្រឹក ថ្ងៃទី២៤ កញ្ញា ២០១៤។
ប្រភពព័ត៌មានជំហានដំបូងពីកន្លែងកើតហេតុបានឲ្យដឹងថា ផ្ទះ២ខ្នងដែលត្រូវអគ្គិភ័យលេបត្របាក់អស់គ្មានសល់នេះ គឺ១ ធ្វើអំពីឈើប្រក់ស័ង្កសី ជាផ្ទះរបស់ឈ្មោះ សេ វន ភេទប្រុស អាយុ៧៦ឆ្នាំ មានមុខរបរទិញអេដចាយលក់ ជាផ្ទះដើមហេតុបណ្តាលឲ្យឆេះរាលដាល ខូចខាតរថយន្តកាមរី១គ្រឿង រថយន្តសាំងយ៉ុង១គ្រឿង គោយន្តកន្ត្រៃ១គ្រឿង និងទ្រព្យសម្បត្តិជាច្រើនទៀត និង២-ផ្ទះរបស់ឈ្មោះ សេត ខន ភេទប្រុស អាយុ៥៦ឆ្នាំ ធ្វើអំពីឈើខាងលើ និងថ្មខាងក្រោម មានរថយន្តឡិចស៊ីស៣០០ពណ៌ស្ករ១គ្រឿងត្រូវបានប្រជាពលរដ្ឋវាយបំបែកកញ្ចក់ទាំង៤ ដើម្បីដោះសោរួចនាំគា្នរុញចេញ ចំណែកផ្ទះទាំង២ខាងលើត្រូវភ្លើងឆេះអស់ទាំងស្រុង ទោះបីជាប្រជាពលរដ្ឋនាំគ្នាជួយពន្លត់យ៉ាងណាក៏មិនអាចគ្រប់គ្រងស្ថានភាពភ្លើងបានដែរ ។
បន្ទាប់ពីបានទទួលដំណឹងនេះភា្លម លោក អ៊ុត សំអន អភិបាលខេត្ត និងលោកឧត្តមសេនីយ៏ត្រី ជូ សំអាន ស្នងការដ្ឋាននគរបាលខេត្តកំពង់ធំ បានបញ្ជាឲ្យរថយន្តពន្លត់អគ្គិភ័យរបស់ស្នងការខេត្តទៅជួយអន្តរាគមន៍បាញ់ពន្លត់ដែរ តែដោយសារស្ថានភាពផ្លូវឆ្ងាយ ទំរាំតែទៅដល់ផ្ទះទាំង២ត្រូវភ្លើងឆេះអស់គ្មានសេសសល់អ្វីនោះទេ។
តាមការសន្និដ្ឋានជំហានដំបូងមូលហេតុនៃការឆេះនេះគឺបណ្តាលមកពីទុស្សេខ្សែភ្លើងចេញពីផ្ទះលក់អេតចាយ ឈ្មោះ សេ វន ៕
ចែករំលែកព័តមាននេះ