រាជធានីភ្នំពេញ ៖ សម្តេចតេជោ ហ៊ុន សែន នៅថ្ងៃទី២៥ មីនា បាននិយាយទៅកាន់គ្រូពេទ្យស្ម័គ្រចិត្តសម្រាប់ការប្រយុទ្ធនឹងមេរោគកូវីដ-១៩ថា កុំឱ្យមានការព្រួយបារម្ភអំពីអាយុជីវិត ពីព្រោះសម្តេចនឹងមិនបញ្ជួនកងទ័ព ដែលគ្មានអាវុធ ដើម្បីធ្វើការប្រយុទ្ធឡើយ ។
សម្តេចបានមានប្រសាសន៍អោយដឹងថា ក្រុមគ្រូពេទ្យនឹងមានសម្លៀកបំពាក់ និងសម្ភារចាំបាច់ សម្រាប់ការពារខ្លួន ដើម្បីកុំអោយឆ្លងមេរោគកូវីដ-១៩។
សម្តេចបានមានប្រសាសន៍ពីភាពចាំបាច់ខ្លាំង ដើម្បីធានាគ្រូពេទ្យដែលនឹងទៅព្យាបាលអ្នកជំងឺកូវីដ-១៩កុំអោយឆ្លងមេរោគកូវីដ-១៩។
សម្តេចក៏អំពាវនាវដល់ឪពុកម្តាយរបស់គ្រូពេទ្យស្ម័គ្រចិត្តវ័យក្មេង កុំអោយមានការបារម្ភអំពីការចូលរួមរបស់កូននៅក្នុងការប្រយុទ្ធនឹងមេរោគកូវីដ-១៩ ៕
ចែករំលែកព័តមាននេះ