រាជធានីភ្នំពេញ ៖ លោកឧត្តមសេនីយ៍ទោ ឡឹក វណ្ណៈ នាយកមន្ទីរប្រឆាំងគ្រឿងញៀនបានថ្លែងឲ្យដឹងថា បើទោះបីប្រទេសជាតិកំពុងជួបនូវវិបត្តិកូវីដ-១៩ ដែលជាជំងឺឆ្លងដ៏កាចសាហាវ ហើយប្រជាពលរដ្ឋគ្រប់រូប បាននិងកំពុងមានការប្រុងប្រយ័ត្ន…
រាជធានីភ្នំពេញ ៖ លោកឧត្តមសេនីយ៍ទោ ឡឹក វណ្ណៈ នាយកមន្ទីរប្រឆាំងគ្រឿងញៀនបានថ្លែងឲ្យដឹងថា បើទោះបីប្រទេសជាតិកំពុងជួបនូវវិបត្តិកូវីដ-១៩ ដែលជាជំងឺឆ្លងដ៏កាចសាហាវ ហើយប្រជាពលរដ្ឋគ្រប់រូប បាននិងកំពុងមានការប្រុងប្រយ័ត្ន តាមការណែនាំពីក្រសួងសុខាភិបាល ពិសេសការយកចិត្តទុកដាក់របស់រាជរដ្ឋាភិបាលយ៉ាងនេះក្តី ប៉ុន្តែការអនុវត្តច្បាប់ក៏មិនរាថយ នៅតែបន្តបង្ក្រាបបទល្មើសគ្រឿងញៀនដូចភ្លៀងរលឹម ។
ជាក់ស្តែង កាលពីថ្ងៃទី២១ មីនា ឆ្នាំ២០២០ កម្លាំងសមត្ថកិច្ចការិយាល័យទី៣ ដឹកនាំដោយលោកឧត្តមសេនីយ៍ ប្រុញ សាន នាយរងមន្ទីរប្រឆាំងគ្រឿងញៀន ក្រោមការសម្របសម្រួលពីលោក គុជ គឹមឡុង ព្រះរាជអាជ្ញារង អមសាលាដំបូងរាជធានីភ្នំពេញ បានចុះបង្ក្រាបទីតាំងកែច្នៃរក្សាទុកនិងជួញដូរគ្រឿងញៀនដោយខុសច្បាប់មួយកន្លែង ស្ថិតនៅចំណុចបន្ទប់ជួល ផលូវបើកថ្មី ក្បែរមជ្ឍមណ្ឌលកោះពេជ្រ សង្កាត់ទន្លេបាសាក់ ខណ្ឌបឹងកេងកង រាជធានីភ្នំពេញ ។
ជាលទ្ធផល គឺបានឃាត់ខ្លួនជនសង្ស័យ២នាក់ នឹងដកហូតថ្នាំញៀនប្រមាណជាង១គីឡូក្រាម ដូចមាន ៖
១-សារធាតុញៀនប្រភេទ ម៉េតំហ្វេតាមីន (ICE)ទម្ងន់ទាំងសំបក ២៥៥.៩២ ក្រាម ។
២-សារធាតុញៀន ប្រភេទកេតាមីន ទាំងសំបក ទម្ងន់ ១១៣.៦២ក្រាម ។
៣-សារធាតុញៀន ប្រភេទអុិចស្តាសុីគ្រាប់ និងទឹក ទាំងសំបក ទម្ងន់ ១៨២៧.៧៨ ក្រាម ។
៤-សារធាតុញៀន ប្រភេទ នីមេតាហ្សេប៉ាម ទាំងសំបក ទម្ងន់ ១២២.០៣ក្រាម ។ ឧបករណ៍កែឆ្នៃ ១គ្រឿង និងសារធាតុផ្សំមួយចំនួន ដែលគិជាសារធាតុញៀនសុទ្ធតែម្តងគឺ ១៤៩៣.៧៣ ក្រាម ស្មើ(១គីឡូ៤ខាំ៩៣.៧៣ក្រាម) ។
ជនសង្ស័យដែលសមត្តកិច្ចឃាត់ខ្លួន២នាក់ ម្នាក់ឈ្មោះ គី ម៉េងហ័រ ភេទប្រុស អាយុ៧២ឆ្នាំ ជនជាតិស៊ីហ្គាពួរ និងម្នាក់ឈ្មោះ ខៀវ ស្រីទូច ភេទស្រី អាយុ៣២ឆ្នាំ ជនជាតិខ្មែរ ពួកគេជាសង្សារនឹងគ្នា ។ ជនសង្ស័យ និងវត្ថុតាងត្រូវបានសមត្តកិច្ច កំពុងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមផ្លូវច្បាប់ ៕
ចែករំលែកព័តមាននេះ