រាជធានីភ្នំពេញ ៖ រហូតមកទល់ពេលនេះ មានតារាជាច្រើននាក់បានចាប់ផ្តើមបរិច្ចាគថវិកាផ្ទាល់ខ្លួន ដើម្បីរួមចំណែកជាមួយរាជរដ្ឋាភិបាលកម្ពុជា ក្នុងការទប់ស្កាត់ការរីករាលដាលនៃជំងឺCOVID-19 ។ ការចេញមុខបរិច្ចាគថវិកាពីសំណាក់តារាខ្មែរនាពេលនេះ បានធ្វើឡើងតបតាមការអំពាវនាវដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ខណៈពេលដែលកម្ពុជាកំពុងតែប្រយុទ្ធប្រឆាំងទៅជំងឺដ៏កាចសាហាវមួយនេះ។
តារាដែលបានចូលរួមឧបត្ថម្ភនាពេលនេះ រួមមាន លោកព្រាប សុវត្ថិ និងគ្រួសារបានបរិច្ចាគទឹកប្រាក់៤ លានរៀល។ អ្នកនាងឱក សុគន្ធកញ្ញា និងស្វាមីបានបរិច្ចាគ ទឺកប្រាក់១ពាន់ដុល្លារ។ អ្នកនាងពេជ្រ សោភា បានបរិច្ចាគទឺកប្រាក់១ពាន់ដុល្លារ ។ អតីតតារាចម្រៀងនាង អេន ជី បានបរិច្ចាគទឹកប្រាក់១ពាន់ដុល្លារ។
តារាចម្រៀងលោក ខេមរៈ សិរីមន្ត បានបរិច្ចាគទឹកប្រាក់៥០០ដុល្លារ ។ តារាសម្តែងនាង ឌួង ហ្សូរីដាបានបរិច្ចាគទឹកប្រាក់៥០០ដុល្លារ ។ តារាចម្រៀងនាងសួស វីហ្សា និង ស្វាមី បានបរិច្ចាគទឺកប្រាក់៥០០ដុល្លារ តារាចម្រៀងលោកខាន់ ជេមស៍ បានបរិច្ចាគទឺកប្រាក់៣០០ដុល្លារ ។ លោកឆាយ វីរៈយុទ្ធ ទឹកប្រាក់១លានរៀល។
តារាចម្រៀងលោក ខេម ,នាយ ក្រឹម, នាយ កុយ , ប៉េងប៉ោង, ថន លក្ខិណា, ពាក់មី,ដេនី ក្វាន់ បានបរិច្ចាគក្នុងម្នាក់ៗចំនួន ៤សែនរៀល តារាចម្រៀងកញ្ញា សុវត្ថិឌី ធារីកា បានបរិច្ចាគទឹកប្រាក់ ១០០ដុល្លារ អតីតតារាសម្តែងអ្នកនាង ហង្ស ម៉ារ៉ានី និងគ្រួសារ បានបរិច្ចាគទឹកប្រាក់ ១០០ដុល្លារ។
សាស្ត្រាចារ្យផ្នែកសិល្បៈ លោក អៀង ស៊ីធុល បានបរិច្ចាគទឹកប្រាក់១០០ដុល្លារ តារាសម្តែង សម ម៉ាណា បានបរិច្ចាគទឹកប្រាក់ ១០០ដុល្លារ តារាសម្តែងកញ្ញា ពៅ លីដា និងលោក ពៅ ពិសិដ្ឋ បានបរិច្ចាគទឹកប្រាក់ ១០០ដុល្លារ តារាចម្រៀងនាយ ចឺម បានបរិច្ចាគទឹកប្រាក់ ១០០ដុល្លារ តារាសម្តែង ឈិន សុធារី ដែលបានបរិច្ចាគទឹកប្រាក់ ១០០ដុល្លារ រួមទាំងតារាមួយចំនួនទៀតផងដែរ។
ជាការកត់សម្គាល់ ក្រៅអំពីការបរិច្ចាគថវិកាខាងលើនេះតារាខ្មែរជាច្រើនបាននាំគ្នាបង្ហោះសារតាមបណ្តាញសង្គមហ្វេសប៊ុក ដោយបានបន់ស្រន់ឲ្យប្រជាពលរដ្ឋខ្មែររួមផុតពីជំងឺដ៏កាចសាហាវខាងលើនេះ និងសូមឲ្យប្រជាពលរដ្ឋខ្មែរទាំងអស់ កុំមានការតក់ស្លុតខ្លាំងពេក តែត្រូវចេះពារខ្លួនឯង ដោយការរក្សាអនាម័យ និងប្រតិបត្តិតាមការណែនាំពីក្រសួងសុខាភិបាល ៕
ចែករំលែកព័តមាននេះ