យោងតាមនាយកដ្ឋានសុខាភិបាលតំបន់ក្នុងខេត្តជិនណាន ប្រទេសចិន បានឱ្យដឹងថា កីឡាករ Marouane Fellaini បានក្លាយកីឡាករដំបូងគេក្នុងលីគកំពូលចិន (CSL) ដែលបានធ្វើតេស្តរកឃើញថាមានផ្ទុកវីរុស Coivd-19 ។
អតីតខ្សែបម្រើក្លិប Everton និង Manchester United បច្ចុប្បន្នកំពុងប្រកបអាជីពនៅលីគកំពូលចិនជាមួយក្រុម Shandong Luneng បានមកដល់ខេត្តជិនណាន តាមរយៈរថភ្លើងនៅថ្ងៃទី២០ ខែមីនា នៅពេលដែលការធ្វើតេស្តវិជ្ជមានត្រូវបានធ្វើឡើងនៅទីនោះ។
Fellaini ដែលមានវ័យ៣២ឆ្នាំគឺជាកីឡាករបាល់ទាត់ (CSL) ដំបូងគេដែលបានធ្វើតេស្តវិជ្ជមានសម្រាប់វីរុសនេះរហូតមកដល់បច្ចុប្បន្ន ខណៈការប្រកួតប្រជែងបាល់ទាត់ក្នុងប្រទេសចិន ត្រូវបានគេពន្យារពេលដោយគ្មានកំណត់។
សូមរំលឹកថា Marouane Fellaini បានផ្លាស់ទៅកាន់ក្លិប Shandong Luneng ក្នុងឆ្នាំ ២០១៩ និងរីករាយរដូវកាលដំបូងប្រកបដោយជោគជ័យជាមួយក្លិប ខណៈរូបគេរកបាន១៣គ្រាប់គ្រប់ការប្រកួត ស្របពេលដែលក្រុមរបស់គេបញ្ចប់នៅចំណាត់ថ្នាក់ទី៥ក្នុងលីគរដូវកាលមុន ៕ (ដកស្រង់ចេញពី Goal.com)
ចែករំលែកព័តមាននេះ