រាជធានីភ្នំពេញ ៖ ថ្មីៗនេះមានបទចម្រៀងមួយបទមានចំណងជើងថា« ចាក់សាំង» ដែលកំពុងផ្សព្វផ្សាយតាមប្រព័ន្ធ YOUTUBE មានរូបភាព និងខ្លឹមសារគ្រោតគ្រាតប្រាសចាកប្រពៃណីទំនៀមទម្លាប់ ជាពិសេសតម្លៃ និងសេចក្តីថ្លៃថ្នូររបស់វប្បធម៌ជាតិ ។ នេះបើយោងតាមផេកនាយកដ្ឋានភាពយន្តរបស់ក្រសួងវប្បធម៌ ។
នាយកដ្ឋានភាពយន្ត សូមជម្រាបជូនសាធារណៈជនជ្រាបថា បទចម្រៀងនេះផលិតឡើងដោយពុំមានការសុំអនុញ្ញាតពីនាយកដ្ឋាន ដែលជាសមត្ថកិច្ចជំនាញនោះឡើយ ហើយនាយកដ្ឋានកំពុងស្រាវជ្រាវរកអ្នកផលិតបទចម្រៀងនេះ ដើម្បីមកទទួលខុសត្រូវចំពោះទង្វើរបស់ខ្លួន ។ បើសាមីជនពុំចេញមកទទួលខុសត្រូវនោះទេ នាយកដ្ឋាននឹងមានវិធានការណ៍តាមផ្លូវច្បាប់ ៕
ចែករំលែកព័តមាននេះ