ខ្មែរ៧៩នាក់មកពីពិធីសាសនានៅម៉ាឡេស៊ីបានធ្វើតេស្តអស់ហើយ
- ភ្នំពេញ
រាជធានីភ្នំពេញ ៖ ឯកឧត្ដម ទេសរដ្ឋមន្ត្រី អូស្មានហាស្សាន់ ទទួលបន្ទុកបេសកកម្មពិសេសបានបញ្ជាក់ថា បងប្អូនខ្មែរ ៧៩ នាក់ ដែលបានត្រឡប់មកខ្មែរ…
រាជធានីភ្នំពេញ ៖ ឯកឧត្ដម ទេសរដ្ឋមន្ត្រី អូស្មានហាស្សាន់ ទទួលបន្ទុកបេសកកម្មពិសេសបានបញ្ជាក់ថា បងប្អូនខ្មែរ ៧៩ នាក់ ដែលបានត្រឡប់មកខ្មែរ ក្រោយពីបានចូលរួមពិធីសាសនានៅម៉ាឡេស៊ី បានធ្វើតេស្តអស់ហើយ ។ ថ្លែងនៅឯសន្និសិទ្ធសារព័ត៌មានទាក់ទង និងផលប៉ះពាល់មេរោគកូវីដ១៩ មកលើសហគមន៍អ៊ីស្លាមនៅកម្ពុជា កាលពីរសៀលថ្ងៃទី២១ មីនានេះ ទេសរដ្ឋមន្ត្រី អូស្មានហាស្សាន់ បានលើកឡើងថា លោកបានកត់សម្គាល់ឃើញមានការព្រួយបារម្ភបងប្អូនខ្មែរអ៊ីស្លាមទាំង ៧៩ ថា តើពួកគាត់បានធ្វើតេស្តរកវីរុសកូវីដ ១៩ ឬយ៉ាងណា ។
ទេសរដ្ឋមន្ត្រី អូស្មានហាស្សាន់ បានបញ្ជាក់ថា «៧៩ ចេញបានធ្វើតេស្តអស់ហើយ ហើយត្រូវបានថែទាំដោយមន្ទីរសុខាភិបាលនានា និងរក្សាគាត់នៅដាច់ដោយឡែក » ។ ខ្ញុំសូមជម្រាបជូនថា បានធ្វើតេស្តអស់ហើយ តែរកឃើញមាន២៣នាក់ វិជ្ជមានកូវីដ ១៩ ហើយពួកគាត់ក៏កំពុងសម្រាកពេទ្យ ចំណែកអ្នកពាក់ព័ន្ធ ក៏បានធ្វើតេស្តទាំងប្រពន្ធកូន អ្នកប្រាស្រ័យជិត ៣០០ នាក់ តែលឺថា ឃើញឆ្លង៥នាក់ តែទោះជាយ៉ាងក៏រក្សាពួកគាត់ដាច់ដោយឡែក ឲ្យបានគ្រប់១៤ថ្ងៃដែរ ។ សូមបញ្ជាក់ថា គិតត្រឹមយប់ ថ្ងៃទី២០ មីនានេះ មានករណីវិជ្ជមានសរុប ៥១ ករណីហើយ ។ ជំណែកអូស្មាហាស្សាន់ ធានាថា ការជួបជុំសូត្រធម៍ត្រូវបានផ្អាកអស់ហើយ ៕
ចែករំលែកព័តមាននេះ