ខេត្តបន្ទាយមានជ័យ ៖ យុវជនស្តារនីតិសម្បទាបន្សាបគ្រឿងញៀនយុវជនចូលថ្មី ត្រូវដាក់ដោយឡែកគ្នាពីអ្នកចាស់ ហើយបើសាច់ញាតិមកលេងត្រូវពិនិត្យសុខភាពជាមុនសិន ។ ថ្លែងបែបនេះ នៅក្នុងកិច្ចប្រជុំមួយ នៅថ្ងៃទី២០ មីនា ឆ្នាំ២០២០ ក្នុងមជ្ឈមណ្ឌលជីវិតថ្មីភ្នំបាក់ ក្រុងសិរីសោភ័ណ ។
លោក ភា ម៉ានិត ប្រធានមជ្ឈមណ្ឌលជីវិតថ្មីបានមានប្រសាសន៍ថា មជ្ឈមណ្ឌលជីវិតថ្មីខេត្តបន្ទាយមានជ័យ ចាប់ផ្តើមពីឆ្នាំ២០០៧ ដល់ឆ្នាំ២០២០ មានសរុបចំនួន៧,៤១២នាក់ ស្រី៤៦៦នាក់ ក្នុងនោះបានធ្វើសមាហរណកម្មចំនួន៦.៦១១នាក់ ស្រីចំនួន៤២១នាក់នៅសល់ជាក់ស្តែងចំនួន៨០១នាក់ ស្រី៤៥នាក់។
ព្រះគ្រូសរណវិចិត្រធម្ម ហឿម សុវណ្ណារ៉ា ទីប្រឹក្សាសម្តេចព្រៈអគ្គសង្ឃរាជាធិបតីកិត្តឧទ្ទេសបណ្ឌិត ទេព វង្ស ទទួលបន្ទុកផ្សព្វផ្សាយព្រៈពុទ្ធសាសនានិងសង្គម និងជាព្រៈគ្រូចៅអធិការវត្តគីរីធម្មរាជ(ហៅវត្តភ្នំតារូងតារាជ)នៅខេត្តកំពង់ឆ្នាំបានមានសង្ឃដិការថា៖យុវជនដែលកំពុងស្តានីតិសម្បទាបន្សាបគ្រឿងញៀននៅមជ្ឈមណ្ឌលជីវិតថ្មភ្នំបាក់ ក្រោយទទួលការអប់រំត្រូវកែប្រែខ្លួនជាមនុស្សល្អនៅពេលត្រឡប់ទៅផ្ទៈវិញមិនធ្វើអ្វីដែលសង្គមស្អប់ខ្ពើមទៀតឡើយ។
លោក គង់ រិទ្ធា ប្រធានចលនាយុវជនកម្ពុជា ក្រុម១៥៧ ក្រុងប៉ោយប៉ែត សាខាខេត្តបន្ទាយមានជ័យ បានមានប្រសាសន៍ថា៖ ក្នុងឱកាសសួរសុខទុក និងនាំយកអំណោយមានគ្រឿងបរិភោគចែកជូនយុវជនចំនួន៨០១នាក់ ដែលកំពុងស្ថានិតិសប្បទាយុវជនផ្តាច់សារធាតុញៀននៅមជ្ឈមណ្ឌលជីវិតថ្មីភ្នំបាក់ស្ថិតក្រុងសិរីសោភ័ណ ។ លោកបានបញ្ជាក់ថា៖អំណោយចលនាយុវជនកម្ពុជាក្រុម១៥៧ និងសប្បុរស់ជនមានអំណោយមាន អង្ករ១០០ការ៉ុង១ការ៉ុង ស្មើ២៥គីឡូក្រាម ត្រីខ១០០យួរ មី១០០កេស ទឹកត្រី១០០យួរទឹកស៊ីអ៊ីវ១០០យួរ អំបិលអុីយ៉ូត១០០កញ្ចប់ ស្ករស១០០គីឡូក្រាម ឆៃប៉ូវ១០០ថង់ សាប៊ូ១០ពីដុង១ពីដុងស្មើ២០លីត្អាកុល៣០លីត្រចែលលាងដៃ៣០ដប សាំងវិចចំនួន២.០០០ដុំចែកជូនបរិភោគ។
លោកជំទាវ ប៉ុក ណាឌី អភិបាលរងខេត្តបន្ទាយមានជ័យមានប្រសាសន៍ណែនាំដល់យុវជនដែលកំពុងស្តានីតិសម្បទាផ្តាច់សារធាតុញៀននៅក្នុងមជ្ឈមណ្ឌលជីវិតថ្មីភ្នំបាក់ ត្រូវចេះកែខ្លួនជាមនុស្សល្អក្នុងសង្គម នៅពេលដែលបណ្តាប្រទេសទូរទាំងពិភពលោកកំពុងកើតមានវីរូសផ្លូវដង្ហើមថ្មីកូរូណាឬCOVID-19 ត្រូវថែ រក្សាសុខភាពនិងអនាម័យដួចជាងូតទឹកដោះសាប៊ូខ្លួនអោយបានស្អាត លាងដៃដោយសាប៊ូឬអាកុល និងពាក់ម៉ាស់ការពារអោយបានគ្រប់គ្នា ។
លោកជំទាវបានណែនាំដល់អ្នកគ្រប់គ្រងមជ្ឈមណ្ឌលជីវិតថ្មីភ្នំបាក់ ត្រូវការពារទប់ស្កាត់អោយបានអ្នកចូលថ្មីដាក់ដោយឡែកពីអ្នកចាស់ និងសាច់ញាតិសុំចូលមកជួបត្រូវលាងអាកុលដៃនិងពាក់ម៉ាស់និងមើលកំដៅទើបអោយចូលហើយអោយនៅឆ្ងាយពីគ្នា ហើយសម្ភាៈត្រូវពិនិត្យអោយបានច្បាស់លាស់ ។
ចែករំលែកព័តមាននេះ