ក្រុមគ្រូពេទ្យ ១២.០០០នាក់ ចាកចេញពីខេត្តហ៊ូប៉ី ទៅផ្ទះ
ទីក្រុងប៉េកាំង ៖ ក្រសួងសុខាភិបាលរបស់ប្រទេសចិន បានប្រកាសនៅថ្ងៃសុក្រ ទី២០ មីនានេះថា បុគ្គលិកពេទ្យសរុបចំនួន ១២.០០០នាក់ ដែលចូលរួមប្រយុទ្ធប្រឆាំងនៅខេត្តហ៊ូប៉ី Hubei…
ទីក្រុងប៉េកាំង ៖ ក្រសួងសុខាភិបាលរបស់ប្រទេសចិន បានប្រកាសនៅថ្ងៃសុក្រ ទី២០ មីនានេះថា បុគ្គលិកពេទ្យសរុបចំនួន ១២.០០០នាក់ ដែលចូលរួមប្រយុទ្ធប្រឆាំងនៅខេត្តហ៊ូប៉ី Hubei…
ទីក្រុងប៉េកាំង ៖ ក្រសួងសុខាភិបាលរបស់ប្រទេសចិន បានប្រកាសនៅថ្ងៃសុក្រ ទី២០ មីនានេះថា បុគ្គលិកពេទ្យសរុបចំនួន ១២.០០០នាក់ ដែលចូលរួមប្រយុទ្ធប្រឆាំងនៅខេត្តហ៊ូប៉ី Hubei ជាចំណុចនៃការឆ្លងវីរុសចាប់ផ្តើមដំបូងនោះ បានចាកចេញពីខេត្តនេះហើយ ចាប់តាំងពីថ្ងៃអង្គារកន្លងមក ដោយសារស្ថានភាពរាតត្បាត បានធូរស្រាល ។
លោក Guo Yanhong មន្ត្រីគណៈកម្មការសុខភាពជាតិ ថ្លែងនៅក្នុងសន្និសីទកាសែតនៅថ្ងៃទី២០ ខែមីនា នេះថា ក្រុមគ្រូពេទ្យ ដែលត្រូវចាកចេញ ភាគច្រើន គឺជាអ្នកធ្វើការ នៅក្នុងមន្ទីរពេទ្យបណ្តោះអាសន្ន និងមន្ទីរពេទ្យដែលត្រៀមសម្រាប់អ្នកជំងឺករណីមិនធ្ងន់ធ្ងរ ។
លោក Guo Yanhong បន្តថា អ្នកជំនាញវេជ្ជសាស្ត្រ និងក្រុមគ្រូពេទ្យ ដែលព្យាបាលករណីធ្ងន់ធ្ងរ កំពុងនៅធ្វើការបន្តនៅឡើយ នៅខេត្តហ៊ូប៉ី ពួកគេនៅរហូតដល់បេសកកម្មត្រូវបានបញ្ចប់ ។
លោកបានបន្ថែមទៀតថា បុគ្គលិកពេទ្យទាំងអស់នឹងបានសម្រាកគ្រប់គ្រាន់បន្ទាប់ពីពួកគេបានត្រឡប់មកផ្ទះវិញ និងគ្រប់គ្នា ទទួលបានការតាមដានផ្នែកវេជ្ជសាស្ត្រយ៉ាងជិតដល់ផងដែរ ។
ជាសរុបប្រទេសចិន បានបញ្ជូនអ្នកជំនាញវេជ្ជសាស្ត្រចំនួន ៤២.០០០ នាក់ ទៅកាន់ខេត្តហ៊ូប៉ី ដើម្បីឆ្លើយតបនឹងតម្រូវការរបស់វេជ្ជបណ្ឌិតនិងគិលានុបដ្ឋាយិកានៅទីនោះ ក្នុងអំឡុងពេលនៃការផ្ទុះឡើងនៃវីរុសឆ្លងដែលរីករាលដាលខ្លាំង ។ យ៉ាងណាអ្នកទាំង ៤២.០០០ នោះគ្មាននរណាម្នាក់ ឆ្លងជំងឺនេះទេ ដោយសារគណៈកម្មការសុខភាពជាតិ ដាក់គោលការណ៍ណែនាំជាច្រើនស្តីពីវិធីការពារបុគ្គលិកពេទ្យ និងការពារការឆ្លងនៅតាមមន្ទីរពេទ្យ ដោយបន្ថែមសម្ភារៈការពារមួយចំនួនធំបញ្ជូនទៅ Hubei នាពេលនោះ ។ ក្រុងវ៉ូហានរបស់ចិន រាយការណ៍ ថ្ងៃនេះថា គ្មានករណីឆ្លងថ្មី សូម្បីតែម្នាក់ ៕
ចែករំលែកព័តមាននេះ