ខេត្តកំពង់ធំ ៖ គ្រោះថ្នាក់ចរាចរណ៍មួយ បានកើតឡើងកាលពីវេលាម៉ោង២៣និង៤៥នាទីយប់ថ្ងៃទី១៩ មីនា ស្ថិតតាមផ្លូវជាតិលេខ០៦ គីឡូម៉ែត្រលេខ១០៧/១០៨ ចំណុចភូមិរំចេក ឃុំទ្រៀល ស្រុកតាំងគោក ខេត្តកំពង់ធំ ដែលបង្កដោយខ្លួនឯង ។
សេចក្តីរាយការណ៍ឱ្យដឹងថា រថយន្តម៉ាកសុីណា ដឹកទឹកអាកុលខាងលើ ពណ៌ស ពាក់ផ្លាកលេខភ្នំពេញ ២BA-៤៨៣៧ ។ លោកវរសេនីយ៍ទោ សន តាល់ អធិការនគរបាលស្រុកតាំងគោកប្រាប់ថា អ្នកបេីកបរមិនស្គាល់អត្តសញ្ញាណបានបាត់បង់ជីវិត ។ នៅក្នុងការបើកបរសង្ស័យរេចង្កូតធ្លាក់ផ្លូវ មកបុករះបង្គោលភ្លេីងនិងរបងមុខផ្ទះរបស់ប្រជាពលរដ្ឋខាងស្តាំដៃ បណ្តាលអោយឆេះរថយន្ត និងបាត់បង់ជីវិតអ្នកបើកបរនៅនឹងកន្លែងកេីតហេតុ ។
កម្លាំងសមត្តិកិច្ច និងប្រជាពលរដ្ឋបានជួយអន្តរាគមន៍ប្រេីប្រាស់បំពង់ពន្លត់អគ្គិភ័យអស់ចំនួន៥បំពង់ រថយន្តពន្លត់អគ្គិភ័យ មកពីអធិការរដ្ឋានស្រុកបារាយណ៍១គ្រឿង ប្រេីប្រាស់ទឹកអស់ចំនួន១រថយន្តស្មេីនិង៤ម៉ែត្រគូប ។
ប្រភពបន្តថា មូលហេតុសង្ស័យបង្កមកពីអ្នកបេីកបររថយន្ត បើកមានល្បឿនលឿនស្ថិតក្នុងស្ថានភាពងងុយដេកផង ។ ដំណឹងនេះ លោកអធិការក៏សូមអំពាវនាវដល់ក្រុមគ្រួសារសាច់ញាតិនៃសព បើបានទទួលហើយ ពេលនេះកំពុងតម្កល់និងរក្សាទុកនៅក្នុងវត្តដា ស្ថិតក្នុងឃុំទ្រាល ស្រុកតាំងគោក ។
ចែករំលែកព័តមាននេះ