យោគាវចរគប្បីចម្រើនចំពោះខ្លួនឲ្យបានរឿយៗយ៉ាងនេះថា សូមឲ្យអាត្មាអញបានដល់នូវសេចក្ដីសុខ កុំមានទុក្ខឡើយ សូមឲ្យអាត្មាអញជាបុគ្គលគ្មានពៀរ គ្មានទុក្ខ គ្មានទោស ឲ្យមានតែសេចក្ដីសុខ សូមរក្សាខ្លួនឲ្យបានយ៉ាងនេះជាដរាបទៅ ។ បើព្រះយោគាវចរចម្រើននូវមេត្តាព្រហ្មវិហារចំពោះខ្លួនយ៉ាងនេះជារឿយៗហើយ…
យោគាវចរគប្បីចម្រើនចំពោះខ្លួនឲ្យបានរឿយៗយ៉ាងនេះថា សូមឲ្យអាត្មាអញបានដល់នូវសេចក្ដីសុខ កុំមានទុក្ខឡើយ សូមឲ្យអាត្មាអញជាបុគ្គលគ្មានពៀរ គ្មានទុក្ខ គ្មានទោស ឲ្យមានតែសេចក្ដីសុខ សូមរក្សាខ្លួនឲ្យបានយ៉ាងនេះជាដរាបទៅ ។
បើព្រះយោគាវចរចម្រើននូវមេត្តាព្រហ្មវិហារចំពោះខ្លួនយ៉ាងនេះជារឿយៗហើយ នៅមិនទាន់តម្កល់ចិត្តបានល្អទៀត ក៏គប្បីតម្កល់ទុកនូវខ្លួនឲ្យជាបន្ទាល់ ហើយទាញយកសត្វទាំងឡាយដទៃមកប្រៀបថា អាត្មាអញប្រាថ្នានូវសេចក្ដីសុខ ខ្ពើមរអើមទុក្ខ ប្រាថ្នាចង់រស់ មិនចង់ស្លាប់យ៉ាងណា សត្វទាំងឡាយដទៃ ក៏ប្រាថ្នានូវសេចក្ដីសុខ ខ្ពើមរអើមនឹងទុក្ខ ប្រាថ្នាចង់រស់ មិនចង់ស្លាប់យ៉ាងនេះដែរ ។
រួចហើយត្រូវចម្រើនមេត្តាចំពោះបុគ្គលដែលគួរគោរព មានអាចារ្យ និងឧបជ្ឈាយ៍ ជាដើមឲ្យបានរឿយៗថា សូមឲ្យលោកជាសប្បុរសនុ៎ះ បានដល់នូវសេចក្ដីសុខ កុំបីមានទុក្ខឡើយ នេះគឺជារបៀបចម្រើននូវមេត្តាព្រហ្មវិហារ ។ សាន សារិន
ចែករំលែកព័តមាននេះ